ႁၵ်ႉမႅတ်ႉတႃႇ ဢၼ်ဢမ်ႇမီးသင်တႅၵ်ႈၼိူင်း

ႁၵ်ႉမႅတ်ႉတႃႇ ဢၼ်ဢမ်ႇမီီးသင်တႅၵ်ႈၼိူင်း

လွင်ႈဢၼ်ႁဝ်းၵူႈေၵႃႉ မီးသၢႆၸႂ်ယူႇမႃးထိုင်မိူဝ်ႈၼႆႉလႆႈၼၼ်ႉ ၵွပ်ႈပိူဝ်ႈမီးတၢင်းႁၵ်ႉ ဢၼ်ၵႂၢင်ႈယႂ်ႇ ၶွင်ၽူႈယိင်းေၵႃႉၼိုင်ႈယူႇၽၢႆႇလင်ႁဝ်းဝႆႉ၊ တၢင်းႁၵ်ႉဢၼ်ၼၼ်ႉေၵႃႈပဵၼ် တၢင်း ႁၵ်ႉၶွင်ႄမႈႁဝ်း ၼၼ်ႉယဝ်ႉ၊ သင်ဝႃႈႁဝ်းႁၢမ်းၶၢတ်ႇတၢင်းႁၵ်ႉႄမႈယဝ်ႉေၵႃႈ ေတဢမ်ႇၸၢင်ႈ ၵိူတ်ႇပဵၼ်ၵူၼ်း မူၼ်းပဵၼ်ႁၢင်ႈမိူၼ်ၼႆမႃးလႆႈ၊ ၸဵမ်လွင်ႈၵိၼ် ၶူဝ်းၼုင်ႈတၢင်းဝႆ၊ လွင်ႈၶိုၼ်ႈယႂ်ႇ ႄလႈလွင်ႈေၵျႃႇမူၼ်ႈ၊ လွင်ႈတဵမ်ထူၼ်ႈဢၼ်ပူၼ်ႉမႃး ဢမ်ႇၼၼ် မိူဝ်ႈလဵဝ် ႄလႈမိူဝ်းၼႃႈၼၼ်ႉ သိုပ်ႇပဵၼ်လႆႈေၵႃႈ ယွၼ်ႉၵွပ်ႈ တၢင်းႁၵ်ႉႄမႈ ၼၼ်ႉယဝ်ႉ။

ႄမႈ ပဵၼ်ေၵႃႉဢွၼ်တၢင်း ဢၼ်ႁဵတ်းႁႂ်ႈႁဝ်း လႆႈႁပ်ႉႁူႉထိုင်လွင်ႈႁၵ်ႉ၊ ပဵၼ်တၢင်းႁၵ်ႉ မႅတ်ႉတႃႇ ဢၼ်ၽိူမ်ႉထႅမ်လွင်ႈၵတ်းယဵၼ်ပၼ်ႁူဝ်ၸႂ်ႁဝ်း၊ ႁဵတ်းႁႂ်ႈႁဝ်း ေမႃမီးတၢင်းႁၵ်ႉမႅတ်ႉ တႃႇ သူင်ႇၸူးထိုင်ၵူၼ်းတၢင်ႇေၵႃႉ၊ ေပႉသမ်ႉဝႃႈ မၢင်ပွၵ်ႈမီးလွင်ႈထၢင်ႇၽိတ်းဢိတ်းဢွတ်းၶဝ်ႈ မႃးၼႂ်းၸႂ်ဝႃႈ "ႄမႈႁၵ်ႉ လုၵ်ႈၽဵင်ႇပဵင်းၵၼ်ၵူႈေၵႃႉယူႇႁိုဝ်"၊ ၵူၺ်းၵႃႈ ေတတွပ်ႇထဵင်ဢမ်ႇလႆႈ ေသႈ ထိုင်ဝႃႈႄမႈေတႁၵ်ႉႁဝ်းေဢႇလိူဝ်ပီႈ ဢမ်ႇၼၼ်ၼွင်ႉ ေၵႃႈဢမ်ႇမီးၽႂ်ေၵႃႉလႂ်ၼႂ်းၶူင်းၵၢင် လူင်ၼႆႉ ေတႁၵ်ႉႁဝ်းပဵင်းႄမႈ။

ထႅင်ႈလွင်ႈၼိုင်ႈ ေပႉသမ်ႉဝႃႈမၢင်ပွၵ်ႈမၢင်လႂ် ႄမႈေတၸႂ်လမ်ေသ ၸႂ်ႉဢဵၼ်ႁႅင်းေတႃႇ ႁဝ်း၊ ၵူၺ်း ၼၼ်ႉေၵႃႈေတတႅၵ်ႈၼိူင်းၵၼ်တင်း လွင်ႈလီဢၼ်ႄမႈႁဝ်းႁဵတ်းဝႆႉၼိူဝ်ႁဝ်းၼၼ်ႉ ဢမ်ႇလႆႈေသႈ၊ ဢၼ်ႄမႈႁဵတ်းလီၼိူဝ်းႁဝ်းၼၼ်ႉ ဢၢၼ်ႇႁဵင်ပွၵ်ႈ မိုၼ်ႇပွၵ်ႈမၼ်း၊ လွင်ႈဢၼ် ဢမ်ႇလီၼၼ်ႉ မီးလၢႆပွၵ်ႈဢွၼ်ႇၵူၺ်း၊ သင်ႁဝ်းၵဵပ်းဢဝ်လွင်ႈဢၼ်ဢမ်ႇလီၼၼ်ႉ မႃးသႂ်ႇၸႂ် ႁဝ်းေသ လၵ်ႉလွမ်ၸႂ်လဵၵ်ႉ ဢမ်ႇၼၼ်ႉ ႁဝ်းမုင်ႈႁၼ်လွင်ႈၽိတ်းပိူင်ႈၶဝ်ဢိတ်းဢွတ်းၼၼ်ႉ ေသ ေတႁူမ်ႇလပ်ႉပႅတ်ႈ လွင်ႈလီဢၼ်ႄမႈႁဝ်း ႁဵတ်းဝႆႉၼိူဝ်ႁဝ်းမႃးတင်းၸူဝ်ႈပၢၼ်ၼၼ်ႉ လႆႈ ယူႇႁိုဝ်။

မိူဝ်ႈၼႆႉပဵၼ်ဝၼ်းႄမႈထႅင်ႈဝၼ်းၼိုင်ႈ ဢၼ်ႁဝ်းထုၵ်ႇလီဝူၼ်ႉထိုင်ၵုင်ႇမုၼ်ႄမႈ၊ မိူဝ်ႈ ယၢမ်းၵိိူတ်ႇႁဝ်းႁႃးၼၼ်ႉ ပဵၼ်ဝၼ်းဢၼ်ႄမႈ ၶၢမ်ႇဢူတ်းယိူၼ်ႉ တုၵ်ႉၶေသပိူၼ်ႈ တွၼ်ႈတႃႇ ေတၵိူတ်ႇႁဝ်း။ ပဵၼ်ထႅင်ႈဝၼ်းၼိုင်ႈ  ဢၼ်ႁဝ်းထုၵ်ႇလီပွင်ႇၸႂ်ဝႃႈ ၶၢဝ်းယၢမ်းႄမႈလိူဝ်ေဢႇ လူင်းတိၵ််းꧦ၊ မိူဝ်ႈၽွင်ႈႄမႈႁဝ်းတိုၵ်ႉမီးသၢႆၸႂ်ယူႇၸွမ်းႁဝ်းၼၼ်ႉ ယႃႇပွႆႇႁႂ်ႈတိုဝ်ႉတၢင်းလီၼၼ်ႉ လုတ်ႈမိုဝ်းႁဝ်းၵႂႃႇလႆႈ ႁဝ်းထုၵ်ႇလီလုမ်းလႃးတူၺ်းထိိုင်ႄမႈလီꧦ၊ ႁဵတ်းသၢင်ႈပၼ်ၶဝ် ႁႂ်ႈမီးတၢင်း သိူဝ်းၸႂ်၊ ဢမ်ႇၼၼ် တူၺ်းထုိင်လုမ်းလႃးၶဝ် ၽွင်းၸဵပ်းမႆႈၶႆႈၼၢဝ် လီလိူဝ်ၶတ်းၸႂ်တိုတ်ႉၸၼ် သၢႆၸႂ်ၶဝ်ဝႆႉ မိူဝ်ႈလွင်ႈတၢႆၸမ်မႃးထိုင်၊ မၼ်းမိူၼ်ၼင်ႇ တိုတ်ႉၸၼ်လွင်ႈတၢင်းတုၵ်ႉႄမႈႁဝ်း ၼၼ်ႉ ႁႂ်ႈယုိၼ်းယၢဝ်းၵႂႃႇၵူၺ်း၊ ထႅင်ႈလွင်ႈၼိုင်ႈ ဢၼ်ႁဵတ်းပၼ်ပၢင်သွမ်းၶဝ်ယႂ်ႇလူင် ၵူၼ်းေပႃး ၵိုၼ်းဢိုၵ်ႉꧦ၊ လူႇတၢၼ်းၸွမ်းၶိူင်ႈၶူဝ်းၵႃႈၶၼ်ယႂ်ႇတင်းၼမ် ၸိူဝ်းၼၼ်ႉ ဢမ်ႇမီးၵႃႈၶၼ် ဢမ်ႇ လွင်ႈယႂ်ႇပဵင်း လွင်ႈဢၼ်ႁဝ်းယူႇႁိမ်းၸမ်ၶဝ်ေသ တူၺ်းထိုင်လုမ်းလႃးၶဝ်ႁႂ်ႈေပႃးတဵမ်ႈထူၼ်ႈၵူႈ လွင်ႈꧦ၊  တွၼ်ႈတႃႇေၵႃႉဢၼ် ႄမႈသဵင်ႈၵႂႃႇယဝ်ႉၼၼ်ႉေၵႃႈ ထုၵ်ႇလီဝူၼ်ႉထိုင် ၵုင်ႇမုၼ်တၢင်း ႁၵ်ႉ ႄလႈလွင်ႈလီ ဢၼ်ၶဝ်ႁဵတ်းဝႆႉၼိူဝ်ႁဝ််းၼၼ်ႉေသ ဢဝ်ပဵၼ်ႁႅင်းၸႂ် တႃႇသိုပ်ႇႁဵတ်းသၢင်ႈ လွင်ႈလီၵႂႃႇယူႇ။

တၢင်းႁၵ်ႉမႅတ်ႉတႃႇ ဢၼ်ၵႂၢင်ႈယႂ်ႇၼၼ်ႉ မီးၼႂ်းႁူဝ်ၸႂ်ႄမႈၵူႈေၵႃႉ တႃႇယိုၼ်ႈပၼ်လုၵ်ႈ လၢင်း၊ တွၼ်ႈတႃႇၵူၼ်းမၢင်ေၵႃႉၼၼ်ႉေတ ထၢင်ႇေတၽင်ယူႇလိုၵ်ႉ ဢမ်ႇၼၼ် လွင်ႈၸဵပ်းၸႂ် ဢိတ်းဢွတ်းဢၼ်မီးေတႃႇၵၼ်ၼၼ်ႉ ႁူမ်ႇငမ်းတဵင်ပႅတ်ႈႄလႈဢမ်ႇႁၼ်၊ ၸိုင်ႉႁိုဝ်ေၵႃႈလီ လုၵ်ႈ ၵူႈေၵႃႉ တိုၼ်းလႆႈႁပ်ႉႁူႉလွင်ႈႁၵ်ႉမႅတ်ႉတႃႇ ဢၼ်ၵႂၢင်ႈယႂ်ႇ ယၢဝ်းၵႆၼၼ်ႉလႆႈၵူႈေၵႃႉယူႇ၊ ၾႆး လုၵ်ႈၵၢင်ဝၼ်း ဢၼ်ထွင်ႇႁိူဝ်ႈသၢႆလႅင်းပၼ် ၵူၼ်းတင်းမိူင်းလႆႈေသတႃႉ၊ ဢမ်ႇၸၢင်ႈတႅၵ်ႈၼိူင်း ၵၼ်တင်း သၢႆလႅင်းတၢင်းႁၵ်ႉႄမႈ ဢၼ်ထွင်ႇ ပၼ်ၼိူဝ်လုၵ်ႈလၢင်းၵူႈေၵႃႉၼၼ်ႉလႆႈ ၵွပ်ႈတၢင်း ႁၵ်ႉမႅတ်ႉတႃႇႄမႈ ဢမ်ႇမီးသင်တိူၵ်ႈၼိူင်းလႆႈၼၼ်ႉယဝ်ႉ။

ၸဝ်ႈၵွၼ်းၶမ်း ေဢႃးတိပ်ႉပ (မိူင်းသၢတ်ႇ)

3/ 8/ 2017 10:30

ၸိူင်းႁၵ်ႉ မႅတ်ႉတႃႇမႄႈ

ၸိူင်းႁၵ်ႉ မႅတ်ႉတႃႇမႄႈ

မိူဝ်ႈၵွၼ်ႇꧦ ၶၢဝ်းယၢမ်းမွၵ်ႈ 100 ပီႁိုင်ပူၼ်ႉမႃးၼၼ်ႉ မီးၶိူဝ်းၵူၼ်းယူႇသွင်ၶိူဝ်း

ၼႂ်းသွင်ၶိူဝ်းၼၼ်ႉ ၶဝ်ပဵၼ် ၽူႈၶဵၼ်ၵၼ်​​သေ ၵႆႉꧦမီးလွင်ႈတေႃႇသူႈၵၼ်၊ ၸိူဝ်ႉၶိူဝ်းဢၼ်ယူႇၼိူဝ်လွႆၼၼ်ႉႁွင်ႉဝႃႈ "ၶိူဝ်းလွႆ"၊ ထႅင်ႈၶိူဝ်းၼိုင်ႈ ဢၼ်ယူႇတႂ်ႈလွႆၼၼ်ႉႁွင်ႉဝႃႈ "ၶိူဝ်းလိၼ်လမ်"။

မီးယူႇဝၼ်းၼိုင်ႈ "ၶိူဝ်းလွႆ" ၼၼ်ႉ ၶၢတ်ႇၶဝ်ႈၼမ်ႉတင်းၵိၼ်တႃႇလဵင်ႉတွင်ႉ ပဵၼ်ဢၼ်ႁၢဝ်ႈႁႅင်း​​တေႉꧦ၊ ၶဝ်ၸင်ႇႁူမ်ႈႁႅင်းၵၼ် ၵူၼ်းတင်းၼမ်​​သေ လူင်းမႃး​​တေႃႇသူႈ တိုၵ်း​​တေႃး "ၶိူဝ်းလိၼ်လမ်" ဝူၼ်ႉတႃႇ​​တေႁုပ်ႈသိမ်းဢဝ် ၶဝ်ႈၼမ်ႉတင်းၵိၼ် "ၶိူဝ်းလိၼ်လမ်" ပဵၼ်ၶွင်တူဝ်ၵဝ်ႇ။

ၵၢၼ်​​တေႃႇသူႈ တိုၵ်း​​တေႃးၵၼ်ပဵၼ်ၶၢဝ်းယၢမ်းႁိုင်​​သေတႃႉ ဢမ်ႇမီးၽၢႆႇလႂ်​​ပေႉ ၽၢႆႇလႂ်သုမ်း ၵူၺ်း "ၶိူဝ်းလွႆ" ႁုပ်ႈသိမ်းဢဝ်လႆႈၶဝ်ႈၼမ်ႉတင်းၵိၼ်လႄႈ ၶူဝ်းၶွင်ၸႂ်ႉတိုဝ်ႉတီႈ "ၶိူဝ်းလိၼ်လမ်" ယူႇၵမ်ႉၽွင်ႈ။  ဢမ်ႇၵႃးၼၼ်ႉၵူၺ်း မိူဝ်ႈ "ၶိူဝ်းလွႆ" လႆႈထွၼ်ဢဵၼ်ႁႅင်းၶိုၼ်ႈသူႇၼိူဝ်လွႆၶိုၼ်းယဝ်ႉ "ၶိူဝ်းလိၼ်လမ်" ၸင်ႇလႆႈႁပ်ႇႁူႉဝႃႈ မီးလုၵ်ႈဢွၼ်ႇလႅင်ၶိူဝ်း​​ၶဝ်ၵေႃႉၼိုင်ႈ ထုၵ်ႇၺွပ်းၵႂႃႇပဵၼ်တူဝ်ယိူဝ်ႇ။

မိူဝ်ႈလႆႈႁပ်ႉႁူႉၶၢဝ်ႇယဝ်ႉ​​ၵေႃႈ ႁူဝ်ၼႃႈ "ၶိူဝ်းလိၼ်လမ်" ၸင်ႇထၢမ်ဝႃႈ "လုၵ်ႈဢွၼ်ႇလႅင် ၼၼ်ႉပဵၼ်လုၵ်ႈၽႂ်" လုၵ်ႈၼွင်ႉမၼ်း​​ၵေႃႉၼိုင်ႈတွပ်ႇဝႃႈ "ပဵၼ်လုၵ်ႈၶွင် ယိင်း​​မေႈမၢႆႈ ၸိုဝ်ႈဝႃႈ  ၼၢင်းၸိင်ႇဢူႉ ၼႆၶႃႈ" ၵွပ်ႈသင်လႄႈၼၢင်းပဵၼ်​​မေႈမၢႆႈ" ႁူဝ်ၼႃႈ ၶိူဝ်းလိၼ်လမ် ထၢမ်ထႅင်ႈ "ၽူဝ်မၼ်းၼၢင်းပဵၼ် သိုၵ်း ၽူႈ​​တေႃႇသူႈၵတ်ႉၶႅၼ်ႇ ၼႂ်းၶိူဝ်းႁဝ်း​​ၵေႃႉၼိုင်ႈ၊ ၶဝ်လႆႈတၢႆၵႂႃႇ မိူဝ်ႈပၢင်​​တေႃႇသူႈ တိုၵ်း​​တေႃးၵၼ်ဢၼ်ပူၼ်ႉမႃး ၼၼ်ႉၶႃႈ​​ဢေႃႈ" လုၵ်ႈၼွင်ႉ ​​ၵေႃႉၼိုင်ႈတွပ်ႇ၊ ႁူဝ်ၼႃႈၶိူဝ်းလိၼ်လမ် ထူၺ်ႈၸႂ် လူင်ယဝ်ႉ ထၢမ်ထႅင်ႈဝႃႈ "မိူဝ်ႈလဵဝ် ၼၢင်းၸိင်ႇဢူႉ ႁူႉၶၢဝ်ႇႁၢႆႉလူင်ၼႆႉယဝ်ႉႁ" ႁူႉယဝ်ႉၶႃႈ ယဝ်ႉ​​ၵေႃႈမၼ်းၼၢင်းၸဵပ်းၸႂ်ၼႃႇလႄႈ ​​ပေႃးလႆႈႁွင်ႉႁႆႈၵႂႃႇတၢင်းယဝ်ႉ မိူဝ်းတၢင်း မိူဝ်ႈလဵဝ်ၼၢင်းႁၢႆတူဝ် ၵႂႃႇလႂ်ယဝ်ႉဢမ်ႇႁူႉ ႁဝ်းၶႃႈတိုၵ်ႉၶတ်းၸႂ်သွၵ်ႈႁႃယူႇပႆႇႁၼ်ၶႃႈ။

ႁူဝ်ၼႃႈ ၶိူဝ်းလိၼ်လမ် ပဵၼ်ဢၼ်​​ဢေးလူၸႂ်ၼၢင်းၼႃႇလႄႈ ၸွႆႈလိူဝ်ၼၢင်း လူၺ်ႈၸႂ်ႉ လုၵ်ႈၼွင်ႉ ၽူႈ​​တေႃႇသူႈၵတ်ႉၶႅၼ်ႇမၼ်း လၢႆꧦ​​ၵေႃႉ၊ ၶိုၼ်ႈသူႇၼိူဝ်လွႆ ဢၼ်မီး ၶိူဝ်းလွႆယူႇ ၼႆ​​သေ ႁႂ်ႈႁိမ်ဢဝ်လုၵ်ႈဢွၼ်ႇလႅင် ၼၼ်ႉမႃးႁႂ်ႈလႆႈ ဝၢႆးၼၼ်ႉ ၸင်ႇဢွၼ်ၵၼ်ႁႃမႄႈမၼ်းထႅင်ႈ ၼႆယူႇယဝ်ႉ။

"ၶိူဝ်းလွႆ" ပၵ်းသဝ်းယူႇၼိူဝ်ၸိၵ်းလွႆသုင်ၼၼ်ႉ ၵူၺ်းၵူၼ်းၶိူဝ်းလိၼ်လမ်ဢမ်ႇယၢမ်ႈ ၶိုၼ်ႈလွႆသုင်ꧦမႃးဢွၼ်းတၢင်း

ၵွပ်ႈၼၼ် ​​ပေႉသမ်ႉဝႃႈၶဝ်​​တေပဵၼ်ၵူၼ်း​​တေႃႇသူႈၵတ်ႉၶႅၼ်ႇ တူဝ်ယႂ်ႇသုင်​​သေတႃႉ၊ ၵူၺ်းၶဝ်ဢွၵ်ႇတၢင ၶိုၼ်ႈလွႆၼၼ်ႉ ၼိုင်ႈဝၼ်းဢမ်ႇပူၼ်ႉ ႁဵင်ယၢင်ႈလႆႈ၊ ၵွပ်ႈလွႆသုင်ၼႃႇ​​ၵေႃႈပိူင်ၼိုင်ႈ ထိုင်မႃးၶၢဝ်းတၢင်းၸဵတ်းဝၼ်းယဝ်ႉ၊ ၸုမ်းၶဝ်ၸိူဝ်းၼၼ်ႉ​​ၵေႃႈ ႁိူဝ်ႉမွႆႈၼႃႇယဝ်ႉလႄႈ မၢင်​​ၵေႃႉၶႂ်ႈယွမ်းၵၢၼ်ႉယဝ်ႉ ဢုပ်ႇၵၼ်ၵႂႃႇမႃးဝႃႈ ​​

"ၼႆႉၵေႃႈႁဝ်းမႃးလႆႈၸဵတ်းဝၼ်းယဝ်ႉ တႃႉပႆႇထိုင်လႂ်​​သေဢိတ်း ၶဝ်ႈၼမ်ႉတင်းၵိၼ်ဢၼ်ႁဝ်းဢဝ်မႃး ၸိူဝ်းၼၼ်ႉ​​ၵေႃႈၸမ်မူတ်းယဝ်ႉ ႁဝ်း​​ဝႃႈ ႁဝ်းဢွၼ်ၵၼ် ပွၵ်ႈမိူဝ်း​​ႁေလႃႈ သိုပ်ႇၵႂႃႇ​​ၵေႃႈ​​တေတၢႆၸွမ်းတၢင်းမူတ်းၵူၺ်း​​ပေႃးပဵၼ်ၼႆ​​တေႉ'' ၽူႈၸၢႆး​​ၵေႃႉၼိုင်ႈလၢတ်ႈ။

"ပေႃးၼၼ်လုၵ်ႈဢွၼ်ႇလူး" ထႅင်ႈၵေႃႉၼိုင်ႈထၢမ် "ၶၢဝ်းတၢင်းပေႃးလႆႈၸဵတ်းဝၼ်းယဝ်ႉၸိူင်ႉၼႆ၊ ႁၢၼ်ႉတေႃႇႁဝ်းပေႃးထိုင်တီႈၼၼ်ႈၵေႃႈ၊ မၢင်ၽဝ်ႇ ၶဝ်ႁႅမ်လုၵ်ႈဢွၼ်ႇၼၼ်ႉယဝ်ႉၵေႃႈပဵၼ်လႆႈ၊ ပေႃးႁဝ်းထိုင်ႈတီႈၼၼ်ႈ လုၵ်ႈဢွၼ်ႇၼၼ်ႉသမ်ႉ ဢမ်ႇမီးသၢႆၸႂ်ယဝ်ႉလူး ပေႃးပဵၼ်ၸိူင်ႉၼၼ်သမ်ႉ တေမီးၽွၼ်းလီသင်လႃႇ။" "ၵူၺ်းၵႃႈႁူဝ်ၼႃႈႁဝ်း လၢတ်ႈမႃးဝႃႈ ႁႃလုၵ်ႈဢွၼ်ႇၼၼ်ႉ ႁႂ်ႈထူပ်း၊" "ၶႃႈဝႃႈတေႉ ႁူဝ်ၼႃႈႁဝ်ႈၵေႃႈဢမ်ႇဝူၼ်ႉမႅၼ်ႈယူဝ်ႉ ဝႃႈလွင်ႈဢွၵ်ႇၶၢဝ်းတၢင်း ၶိုၼ်ႈလွႆ ဢၼ်ၼႆႉ တေယၢပ်ႇယဵၼ်း တုၵ်ႉၶပေႃးတၢၼ်ႇၼႆႉၵူၺ်းဢမ်ႇၵႃး သမ်ႉလႆႈၸႂ်ႉၶၢဝ်းယၢမ်းပဵၼ် ၸဵတ်းပႅတ်ႇဝၼ်းၸိူင်ႉၼႆ၊ သင်ႁူဝ်ၼႃႈႁဝ်းႁူႉ မိူၼ်ၸိူင်ႉႁဝ်းထူပ်းယူႇၼႆႉ ႁူဝ်ၼႃႈၵေႃႈတေ ယွမ်းၵၢၼ်ႉ ထွႆလင်ယူႇၵူၺ်း"။

ဝၢႆးသေထႅင်ၵၼ် လွင်ႈၼႆႉယူႇတင်းႁိုင်ယဝ်ႉ ၵူႈၵေႃႉၵေႃႈႁၼ်ထိုင်ႈဝႃႈ တေထွၼ်တူဝ် ပွၵ်ႈၶိုၼ်းတင်းလင်။

မိူဝ်ႈၽွင်းတိုၵ်ႉၵဵပ်းၶူဝ်းၶွင်ယူႇၼၼ်ႉ ယူႇꧦၵေႃႈ ၽူႈတေႃႇသူႈၼႂ်းၶဝ်ၼၼ်ႉ တူၵ်းၸႂ်သေ ႁွင်ႉသဵင်လင်ၶိုၼ်းမႃးဝႃႈ "ၵူၼ်းႁဝ်း!! တူၺ်းတီႈၼၼ်ႈလူး မီးၵူၼ်းယိင်းၵေႃႉၼိုင်ႈပႆမႃးၼၼ်ႈၼေႈ ဢမ်ႇၸႂ်ႈၼၢင်းၸိင်ႇဢူႉႁ" ၵူႈၵေႃႉၵေႃႈဢွၼ်ၵၼ်ဝၢႆႇတူၺ်း သမ်ႉပဵၼ်ၼၢင်းၸိင်ႇဢူႉယူႇတေႉ၊

ၵူၺ်းၵႃႈမၼ်းၼၢင်းဢမ်ႇလီ တူၵ်းၸႂ်ပဵင်းႁေႃႇၽႃႈသီလႅင်းꧦ ၼႂ်းဢူၵ်းမၼ်းၼၢင်းၼၼ်ႉ၊ ၼၢင်းဢုမ်ႈလုၵ်ႈၸၢႆးမၼ်းၼၢင်းပွၵ်ႈမႃးၸွမ်း၊ ၽူႈၵူၼ်းၸိူဝ်းၼၼ်ႉ ဢွၼ်ၵၼ်လႅၼ်ႈၶဝ်ႈႁႃမၼ်းၼၢင်းသေ၊ တူၺ်းမၼ်းၼၢင်းလႅပ်ႈႁိူဝ်ႉမွႆႈၼႃႇယဝ်ႉ ၵူၺ်းမၼ်းၼၢင်း ဢမ်ႇၶၢမ်ႇပၼ်ၽႂ်ဢုမ်ႈလုၵ်ႈၸၢႆးမၼ်း၊ ၵူၼ်းၸိူဝ်းၼၼ်ႉၵေႃႈ ၸင်ႈႁႃၼမ်ႉမႃးပၼ်မၼ်းၼၢင်ႈသုၵ်ႈၼႃႈမၼ်းသေ ၵိၼ်ႁႂ်ႈပေႃးႁၢႆႁိူဝ်ႉ။

"ၸဝ်ႈၵႂႃႇႁၼ်လုၵ်ႈၸၢႆးတီႈလႂ်လႃႇ ၼၢင်းၸိင်ႇဢူႉ၊ ၶိူဝ်းၵူၼ်းလွႆပွႆႇၽႃႈ လုၵ်ႈၸဝ်ႈပႅတ်ႈၸွမ်းတၢင်း ၸိူင်ႉၼၼ်ႉႁ" ၵူၼ်းၵေႃႉၼိုင်ႈထၢမ်း၊ မၼ်းၼၢင်းၵေႃႈတွပ်ႇဝႃႈ "ဢမ်ႇၸႂ်ႈၶႃႈၸဝ်ႈ ၶႃႈလမ်းၸွမ်းၶိူဝ်းလွႆ ၵႂႃႇထိုင်ၸိၵ်းလွႆပုၼ်ႉသေ ဢွၼ်ႈဝွၼ်းႁႂ်ႈၶဝ် ပၼ်ပွႆႇပၼ်လုၵ်ႈၸၢႆးၶႃႈၶိုၼ်းတိၵ်းꧦ ႄလႈ ၵမ်းလိုၼ်းသုတ်း ၸုမ်းၶဝ်ၸင်ႇႁၼ်ၸႂ်ၶႃႈသေ ၸင်ႇပွႆႇပၼ်ၶိုၼ်းၵူၺ်းၶႃႈ။

ၵူၼ်းၸိူဝ်းၼၼ်ႉထွမ်ႇၼၢင်ႈၸိင်ႇဢူႉ လၢတ်ႈယဝ်ႉဢွၼ်ၵၼ်တူၵ်းၸႂ်သေ လၢတ်ႈဝႃႈ " ၸဝ်ႈၵေႃႉလဵဝ် ၶိုၼ်ႈၵႂႃႇထိုင်ၸိၵ်းလွႆပုၼ်ႉ ၶၢဝ်းတၢင်ႈၼႂ်းၸဵတ်းဝၼ်းၸိူင်ႉၼၼ်ႉႁ၊ တေႃႈၼင်ႇၸုမ်းႁဝ်းတႃႉၵႂႃႇဢမ်ႇထိုင်လႆႈ ၸဝ်ႈၵႂႃႇထိုင်လႆႈၸိူင်ႉႁိုဝ်။ ၼၢင်းၸိင်ႇဢူႉၵေႃႈ တွပ်ႇဝႃႈ ꧦ ၶႃႈၵေႃႈဢမ်ႇႁူႉမိူၼ်ၵၼ် ဝႃႈၶႃႈၵႂႃႇထိုင်လႆႈၸိူင်ႉႁိုဝ်၊ ဢၼ်ၶႃႈႁူႉတေႉၶႃႈတိုၼ်းတေၵႂႃႇႁႂ်ႈထိုင် ၵွပ်ႈလုၵ်ႈၶႃႈပႂ်ႉၶႃႈဝႆႉတီႈၼၼ်ႈ၊ ပဵၼ်လွင်ႈထမ်ႇမတႃႇ တွၼ်ႈတႃႇ ၵူၼ်းၵေႃႉပဵၼ်မႄႈ ပဵၼ်ၸိူင်ႉႁိုဝ်မႃးၵေႃႈယဝ်ႉ တိုၼ်းတေဢမ်ႇပွႆႇၽႃႈၵေႃႉပဵၼ်လုၵ်ႈလႆႈ၊ ၵူၺ်းၵႃႈတွၼ်ႈတႃႇၸုမ်းသူၸဝ်ႈ သူၸဝ်ႈဢမ်ႇၸႂ်ႈပေႃႈမႄႈ ၶွင်လုၵ်ႈၸၢႆးၶႃႈ၊ ယဝ်ႉၵေႃႈလုၵ်ႈၸၢႆးၶႃႈၵေႃႈ ဢမ်ႇၸႂ်ႈလုၵ်ႈလၢၼ်ၶွင်သူၸဝ်ႈ၊ သူၸဝ်ႈမႃးၸွမ်းၶေႃႈသင်ႇလႄႈ ပုၼ်ႈၽွၼ်းသူၸဝ်ႈမီးၼၼ်ႉၵူၺ်း၊ ဢမ်ႇၸႂ်ႈမႃးၸွမ်းလူၺ်းတၢင်းႁၵ်ႉသူၸဝ်ႈ၊ ပုၼ်ႈၽွၼ်းၼၼ်ႉ ၸၢင်ႈႁဵတ်းႁႂ်ႈႁဝ်းၸႂ်သဵင်ႈမၼ်းလႆႈယူႇ ၼႂ်းဝၼ်းၼိုင်ႈ၊ ၵူၺ်းၵႃႈလွင်ႈႁၵ်ႉမႅတ်ႉတႃႇၼၼ်ႉ ႁဵတ်းႁႂ်ႈႁဝ်းမီးႁႅင်းၸႂ်လႆႈၵူႈၶၢဝ်ႈယၢမ်း။

ၽူႈတေႃႈသူႈၸိူဝ်းၼၼ်ႉ ထွမ်ႇၼၢင်းၸိင်ႇဢူႉလၢတ်ႈယဝ်ႉၵေႃႈ ၼမ်ႉတႃသႂ်ꧦထိုင်ပေႃးလႆႈလူင်းၸွမ်းၵႅမ်ႈ ၵွပ်ႈလႆႈငိၼ်းႁူႉထိုင်လွင်ႈႁၵ်ႉမႅတ်ႉတႃႇမႄႈ ဢၼ်ၸိုၼ်ႈၸၢင်ႇ ဢၼ်မီးၼိူဝ်လုၵ်ႈလၢင်း။

မိူဝ်ႈၶဝ်လူင်းမႃးထိုင်ၸုမ်းယဝ်ႉၵေႃႈ ဢွၼ်ၵၼ်ဢဝ်လွင်ႈၼႆႉ လဝ်ႈလၢတ်ႈႁႂ်ႈၵူၼ်းၵူႈၵေႃႉၼႂ်းၸုမ်း ၶိူဝ်းလိၼ်လမ်ၼၼ်ႉလႆႈႁူႉငိၼ်းၵၼ်၊ ဝၢႆးၼၼ်ႉၶဝ်ဢွၼ်ၵၼ်ယုၵ်ႉယွင်ႈမၼ်းၼၢင်းပဵၼ် ၽူႈယိင်းဢၼ်မီးတၢင်းႁၵ်ႉမႅတ်ႉတႃႇ ဢၼ်ၸိုၼ်ႈၸၢင်ႇသုတ်း ၼႂ်းၶိူဝ်းလိၼ်လမ်။

ၶေႃႈႁၼ်ထိုင်

ၸွမ်းၼင်ႇၵူၼ်းပဵၼ်  ႄမႈၵေႃႉၼိုင်ႈၼၼ်ႉ လွင်ႈဢၼ်ၼၢင်းၸိင်ႇဢူႉ ဢမ်ႇႁဵတ်းပဵၼ်လႆႈၼၼ်ႉ ဢမ်ႇမီးသင်၊ ဢပုမ်ႇဢၼ်ၼႆႉ ဢမ်ႇလႆႈလၢတ်ႈပူၼ်ႉလိူဝ်၊ မၢင်ၽဝ်ႇ ႄမႈမၢင်ၵေႃႉ လႆႈႁဵတ်းပၼ်တွၼ်ႈတႃႇလုၵ်ႈလၢင်း ၼမ်လိူဝ်သေ ၼၢင်းၸိင်ႇဢူႉၼႆႉၵေႃႈပဵၼ်လႆႈ၊ လွင်ႈတင်းမူတ်းၼႆႉမၼ်းပဵၼ်ယွၼ်ႉ လွင်ႈႁၵ်ႉမႅတ်ႉတႃႇမႄႈ ဢၼ်မီးၼိူဝ်လုၵ်ႈလၢင်းၼၼ်ႉလူၼ်ႉꧦယဝ်ႉ။ ႁဝ်းဝူၼ်ႉဝႃႈ တူဝ်ႁဝ်းၵေႃႈႁၵ်ႉ ပေႃႈမႄႈတေႉꧦယူႇမိူၼ်ၵၼ်၊ ၵူၺ်းၵႃႈလွင်ႈႁၵ်ႉၸိူဝ်းၼၼ်ႉ ဢမ်ႇတႅၵ်းၼိူင်းၵၼ်တင်း လွင်ႈႁၵ်ႉမႅတ်ႉတႃႇမႄႈ ဢၼ်မီးၼိူဝ်လုၵ်ႈလၢင်းၼၼ်ႉလႆႈ၊ ၵွပ်ႈဝႃႈလွင်ႈႁၵ်ႉမႅတ်ႇတႃႇမႄႈၼၼ်ႉ ဢမ်ႇမီးဝၼ်းယူပ်ႈယွမ်း၊ 

ၸဝ်ႈၵွၼ်းၶမ်း ဢေႃးတိပ်ႉပ (မိူင်းသၢတ်ႇ)

ပိၼ်ႇတႅမ်ႈ 20/ 7/ 2017

ဢပုမ်ႇဢွၼ် သွၼ်ႁၵ်ႉမႄႈ

ဢပုမ်ႇဢွၼ် သွၼ်ႁၵ်ႉႄမႈ

မိူဝ်ႈၵွၼ်ႇဢွၼ်ၼၼ်ႉ ပူၼ်ႉမႃးဢမ်ႇ​​ပေႃးႁိုင်ၵႃႈႁိုဝ် တီႈတူၼ်ႈမႆႉလူင် တူၼ်ႈၼိုင်ႈ တၢင်းၶဝ်ႈဝၢၼ်ႈၸၢမ်၊ သမ်ႉမီးဢွၼ်ႇၸၢႆး​​​​ၵေႃႉၼိုင်ႈ ၼင်ႈ​​ယူႇတႂ်းတူၼ်ႈမႆႉၼၼ်ႉ​​ၵေႃႉလဵဝ်​​သေ ပွင်ႉဝႃႈ "ၸႂ်ႉယူႇတႃႇ​​သေႇ ဝၼ်းꧦ​​ၵေႃႈ ၸႂ်ႉႁဵတ်းဢၼ်ၼၼ်ႉ၊ ၸႂ်ႉႁဵတ်းဢၼ်ၼႆႉ၊ ၵမ်ႉၸႂ်ႉလၢင်ႉဝၢၼ်ႇ ၵမ်ႉၸႂ်ႉပတ်းၽဵဝ်ႈႁိူၼ်း.. ဢူဝ်ႉ.... ၶၢၼ်ႉ ၶၢၼ်ႉ ၶၢၼ်ႉ​​တေႉယဝ်ႈ"။

ယွၼ်ႉဢွၼ်ႇၸၢႆး​​ၵေႃႉၼၼ်ႉ ပွင်ႉလႄႈ မႆႈထိုင်ၶုၼ်ၽီ၊ ၽူႈဢၼ်ႁဵတ်းႁႂ်ႈမၼ်းၸၢႆးလူင်းမႃး​​တေႇသၼ်ႇ​​ထေႇ​​ၼႂ်းတွင်ႉသေ၊ ၵိူတ်ႈၼႂ်းမူႈဝၢၼ်ႈၼၼ်ႉ ၸင်ႇလႅၵ်ႈလၢႆႈႁၢင်ႈမၼ်း ပဵၼ်ပူႇထဝ်ႈယဝ်ႉ၊ လူင်းမႃး​​ၼေတူဝ်ႁိမ်းတူၼ်ႈမႆႉလူင်ၼၼ်ႉ ၵပ်းတင်းမႃဢွၼ်ႇတူဝ်ၼိုင်ႈ။

ပူႇထဝ်ႈ​​ၵေႃႉၼၼ်​​ၵေႃႈ ထၢမ်ဢွၼ်ႇၸၢႆးၼၼ်ႉဝႃႈ "ဢွၼ်ႇၸၢႆးၸဝ်ႈပွင်ႉသင်ယူႇၼႆႉ လၢတ်ႈႁဝ်းမႃးတူၺ်းလႄႈ ယူဝ်ႁဝ်းၸၢင်ႈၸွႆႈၸဝ်ႈလႆႈ"။

ဢွၼ်ႇၸၢႆး​​ၵေႃႉၼၼ်ႉ​​ၵေႃႈတွပ်ႇဝႃႈ  "​​ၵေႃႈမႄႈၼၼ်ႉၼႃႇ ဝၼ်းꧦ​​ၵေႃႈ ၸႂ်ႉႁဵတ်းၵၢၼ်ႁိူၼ်းယူႇတႃႇ​​သေႇ ဢမ်ႇလႆႈလိုဝ်ႈ ဢမ်ႇလႆႈလဵၼ်ႈၸွမ်းဢူၺ်း​​ၵေႃႉ​​သေပွၵ်ႈ"။

ပူႇထဝ်ႈၼၼ်ႉ ၸင်ႇယုင်ႉမၢင်ႇဢုတ်ႇၶိုၼ်ႈမႃး သွင်ႁူၺ်​​ႇ​​သေလၢတ်ႈဝႃႈ..

"လီယဝ်ႉ.. ပေႃးၸိူင်ႉၼၼ် ၸဝ်ႈမႃးလဵၼ်ႈၸွမ်းႁဝ်းလႄႈ ႁဝ်းမႃး​​ၶေႉၵၼ် ယုၵ်ႉမၢၵ်ႇဢုတ်ႇၼႆႉတူၺ်း ၽႂ်​​တေယုၵ်ႉဝႆႉလႆႈႁိုင်ၵႃႈႁိုဝ် ၽႂ်ယုၵ်ႉဝႆႉလႆႈႁိုင်​​ၵေႃႈ မၼ်းပဵၼ်ၵူၼ်း​​ပေႉ"။

ဢွၼ်ႇၸၢႆးၼၼ်ႉ ႁၼ်ဝႃႈပဵၼ်လွင်ႈငၢႆႈꧦၵူၺ်းၼႆလႄႈၸင်ႇ ႁၼ်ၸွမ်းဝႃႈ​​တေလဵၼ်ႈၸွမ်း၊ၶၢဝ်းယၢမ်းပူၼ်ႉၵႂႃႇထိုင်ၶိုင်ႈၸူဝ်ႈမူင်း၊ ဢွၼ်ႇၸၢႆးၼၼ်ႉ​​ၵေႃႈၵူၼ်ႉၼႃႇယဝ်ႉလႄႈ ပွင်ႉ​​သေယွၼ်းယွမ်းသုမ်း။

ပူႇထဝ်ႈ​​ၵေႃႉၼၼ်ႉ​​ၵေႃႈလၢတ်ႈသိုပ်ႇဝႃႈ "​​ပေႃးၼၼ်ၸဝ်ႈ​​ၵေႃႈလဵၼ်ႈၸွမ်းလုၵ်ႈမႃတူဝ်ၼႆႉႁိုဝ်ႉ၊ ၵူၺ်းဢွၼ်တၢင်း​​တေလဵၼ်ႈၼၼ်ႉ ၸဝ်ႈ​​တေလႆႈပွၼ်ႈၼူမ်းပၼ် လုၵ်ႈမႃတူဝ်ၼႆႉၵွၼ်ႇၼႃ"။

ဢွၼ်ႇၸၢႆးၼၼ်ႉ​​ၵေႃႈတွပ်ႇဝႃႈ "​​ၵေႃႈလႆႈ" ယဝ်ႉ​​ၵေႃႈတႄႇ ပွၼ်ႈၼူမ်းပၼ်လုၵ်ႈမႃယူႇ၊ ဢမ်ႇႁိုင်သင်လုၵ်ႈမႃၼၼ်ႉ​​ၵေႃႈတိုဝ် ဢမ်ႇယွမ်းယူႇၼိမ်ꧦ ဢွၼ်ႇၸၢႆးၼၼ်ႉ​​ၵေႃႈမိူဝ်ႇၸၢၼ်ႈသေ၊ ယဝ်ႉ​​ၵေႃႈပွင်ႉဝႃႈ "ၶၢၼ်ႉ​​တေဢမ်ႇပွၼ်ႈယဝ်ႉ"။

ပူႇထဝ်ႈၼၼ်ႉၸင်ႇသွၼ်ဝႃႈ "​​တေႃႈၼင်ႇမၢၵ်ႇဢုတ်ႇၼိုင်ႈၵွၼ်ႈၵူၺ်း၊ ၸဝ်ႈတႃႉယုၵ်ႉဢမ်ႇထိုင်ၸူဝ်ႈမူင်းလႆႈ၊ ​​တေႁဵတ်းႁိုဝ် တႅၵ်ႈၼိူင်းလႆႈတင်းမႄႈၸဝ်ႈ ဢၼ်လႆႈဢုမ်ႈၸဝ်ႈ၊ ဢၼ်ယူႇၼႂ်းတွင်ႉၼၼ်ႉတင်းဝၼ်းတင်းၶိုၼ်း၊ ႁိုင်ၼၢၼ်းထိုင် 9 လိူၼ် ဢွၼ်တၢင်း​​တေၵိူတ်ႇပဵၼ်ၸဝ်ႈဢွၵ်ႇမႃး"။

"ယဝ်ႉ​​ၵေႃႈတိုၵ်ႉလႆႈ ယိူၼ်ႉၵၼ်ႈလဵင်ႉၸဝ်ႈ၊ ၸဵမ်လဵၵ်ႉ​​တေႃႇယႂ်ႇ ထိုင်တၢၼ်ႇၼႆႉ၊​​တေႃႈၼင်ႇၸဝ်ႈပွၼ်ႈၼူမ်းလုၵ်ႈမႃ ပွၵ်ႈလဵဝ်ၵူၺ်း​​ပေႃးၸဝ်ႈမိူဝ်ႇၸၢၼ်ႈယဝ်ႉ"။

"ၵူၼ်းပဵၼ်မႄႈၼၼ်ႉတုၵ်ႉၶၼႃႇ၊ ၸဵမ်မိူဝ်ႈဢုမ်ႈတွင်ႉ ယဝ်ႉလဵင်ႉလုၵ်ႈ​​တေႃႇ​​ထိုင်ပေႃး​​ၵေႃႉယႂ်ႇ၊ ၵၢၼ်တွပ်ႇတႅၼ်းၵုင်ႇမုၼ်ဢၼ်ယႂ်ႇလူင် လူၺ်းႁဵတ်းၵၢၼ်ႁိူၼ်းၸွႆႈဢိတ်းဢွတ်းၵူၺ်း၊ ​​တေတႅၵ်ႈၼိူင်းဢမ်ႇလႆႈတင်း ၸဝ်ႈၵုင်ႇမုၼ်ယႂ်ႇဢၼ်ၵိူတ်ႇလႄႈ လဵင်ႉႁဝ်းမႃး ဢမ်ႇလႆႈ​​သေဢိတ်း​​လေႃႇ"။

ဢွၼ်ႇၸၢႆးလႆႈငိၼ်းၵႂၢမ်းသင်ႇသွၼ်ပူႇထဝ်ႈၼၼ်ႉယဝ်ႉငိၼ်းၸူမ်းၼႃႇသေ၊ ၸင်ႇႁိမ်ႈၼႅတ်ႈလႅၼ်ႈမိူဝ်းတီႈႁိူၼ်း​​သေ၊ တဵမ်ၸႂ်ၸွႆႈၵၢၼ်ႁိူၼ်းမႄႈ လူၺ်ႈဢမ်ႇမီးၵႂၢမ်းပွင်ႉ မိူဝ်ႇၸၢၼ်ႈသင်​​သေ​​ၶေႃႈယဝ်ႉ။

ၸဝ်ႈၵွၼ်းၶမ်း ဢေႃးတိပ်ႉပ (မိူင်းသၢတ်ႇ)

ပိၼ်ႇတႅမ်ႈ

14/ 7/ 2017

သဵင်ႁူဝ်ၸႂ်ပေႃႈ ဢၼ်တိုၵ်ႉငိၼ်းၼႂ်းႁူ

သဵင်ႁူဝ်ၸႂ်ပေႃႈ ဢၼ်တိုၵ်ႉငိၼ်းၼႂ်းႁူ 

ၵၢင်ၼႂ်ၸဝ်ႉဝၼ်းသုၵ်း ၶႃႈလုၵ်ႉတိုၼ်ႉၶိုၼ်ႈမႃး လူၺ်ႈတင်းၸႂ်ဢမ်ႇပေႃးလီၵႃႈႁိုင်၊ ၶႃႈလွမ်မႆႈၸႂ်ယူႇ ၵွပ်ႈဝႃႈထႅင်ႈသွင်ဝၼ်းၵေႃႈ တေထိုင်ဝၼ်းဢၼ်ၶႃႈ တေလႆႈတွပ်ႇၶဝ်ႈၸၼ်ႉၸွမ်ယဝ်ႉ၊ ပဵၼ်ဝၼ်းဢၼ်ၶႃႈမုင်ႈမွင်းမႃး ပဵၼ်ၶၢဝ်းယၢမ်းသွင်ပီ၊ ၼႂ်းၶၢဝ်းတၢင်းသွင်ပီႈၼၼ်ႉ ၶႃႈလႆႈၶတ်းၸႂ်ႁဵၼ်းလိၵ်ႈတေႉꧦဝႃႈꧦ၊ ၼိုင်ႈဝၼ်းၶႃႈလႆႈၸႂ်ႉၶၢဝ်းယၢမ်းတူၺ်းလိၵ်ႈထိုင် ႑႐ ၸူဝ်ႈမူင်း၊ တွၼ်ႈတႃႇယိူင်းမၢႆဢၼ်လဵဝ်၊ ဢၼ်ပေႃႈၶႃႈမုင်ႈမွင်း ႁႂ်ႈၶႃႈလႆႈတွပ်ႇလိၵ်ႈ ၶဝ်ႈႁဵတ်းၼႂ်းၸၼ်ႉၸွမ် ဢၼ်ၸိုဝ်ႈလိုဝ်းလင် မိူၼ်ၼင်ႈပေႃႈမုင်ႈမွင်းဝႆႉၼၼ်ႉ။

ၶၢဝ်းတၢင်းသွင်ပီ ၼႂ်းသွင်လိူၼ်လိုၼ်းသုတ်းၼၼ်ႉ၊ ၶႃႈလႆႈၸႂ်ႉၶၢဝ်းယၢမ်းတူၺ်းလိၵ်ႈ ၼႂ်းၵၢၼ်လဵပ်ႈႁဵၼ်း ႁႃတၢင်းႁူႉၶွင်ၶႃႈ ၼိုင်ႈဝၼ်းထိုင် ႑႖ ၸူဝ်ႈမူင်းတဵမ်ꧦ၊ ၼင်ႈႁိုဝ်ႈပေႃးတေတွပ်ႇလႆႈ မၢတ်ႈသုင်လိူဝ်ပိူၼ်ႈၼၼ်ႉယဝ်ႉ၊ ၶႃႈလႆႈၼွၼ်း ႁိမ်းသၢမ်မူင်းၸဝ်ႉ ၼႃႈမိူင်းလႅင်းၵူႈၶိုၼ်း၊ ၵူၺ်းၵႃႈၼႂ်းၵူႈၶိုၼ်းၼၼ်ႉ ပေႃႈၶႃႈတေဝႆႉၵၢၼ်ဝႆႉငၢၼ်းသူၼ်ႇတူဝ်မၼ်းသေ မႃးၼင်ႈပႂ်ႉပၼ်ႁႅင်းၶႃႈယူႇ၊ ပေႃးပေႃႈၶႃႈမႃးၶမ်ႈလႂ်ၵေႃႈ ၽျေႃႇၵေႃႇၽီႇ ဢုၼ်ႇꧦၶူမ်ꧦသေ မႃးတမ်းဝႆႉတင်းၼႃႈၶႃႈယဝ်ႉ ဢဝ်မိုဝ်းလုပ်ႈႁူဝ် တွႆႇမႃႇၶႃႈသေလၢတ်ႈဝႃႈ "ၶတ်းၸႂ်ၶႃႈလုၵ်ႈ ပေႃႈပၼ်ႁႅင်းၸႂ်ယူႇ" ၼႆသေ ၼင်ႈပႂ်ႉတင်းၶၢင်ႈပၼ်ႁႅင်းၶႃႈယူႇယဝ်ႉ။

မၢင်ၶိုၼ်းၵေႃႈ ၶႃႈတူၺ်းလိၵ်ႈထိုင်မိူင်းလႅင်း၊ ပေႃႈၶႃႈၵေႃႈတေလၢတ်ႈဝႃႈ "ၼွၼ်းလႆႈယဝ်ႉလုၵ်ႈ ယႃႇပေပေႃးၼွၼ်းလိုၵ်းၼႃႇၽႅဝ် ၵူဝ်ဢမ်ႇယူႇလီ၊ ဝႆႉၸႂ်ယဵၼ်ꧦၼႃႈ ယႃႇပေႃးဝူၼ်ႉၼမ်" ၼႆယူႇ၊ ၶႃႈလႆႈငိၼ်းၶေႃႈၵႂၢမ်းၼၼ်ႉယူႇၵူႈၶိုၼ်း မၢင်ၶိုၼ်းၵေႃႈလူမ်းၸႂ်လမ်ပေႃးဢွၵ်ႇ ၵွပ်ႈဢၼ်ၸႂ်ႉၶႃႈၼွၼ်းယူႇတိၵ်းꧦ။ မိူဝ်ႈၶမ်ႈဝႃးၵေႃႈ ပဵၼ်မိူၼ်ၵူႈၶိုၼ်းဢၼ်ပူၼ်ႉမႃး၊ ပေႃႈၶႃႈၵေႃႈၽျေႃႇၵေႃႇၽီႇမႃးပၼ်ၶႃႈသေ ၼင်ႈႁိမ်းၶၢင်ႈပၼ်ႁႅင်းၶႃႈယူႇ၊ ၵူၺ်းၵႃႈၶမ်ႈၶိုၼ်းမိူဝ်ႈဝႃးၼၼ်ႉ တေပိူင်ႈၵၼ်တင်းၵူႈၶမ်ႈဢိတ်းၼိုင်ႈ ယွၼ်ႉၵွပ်ႈပေႃႈၶႃႈ ၵႂၢမ်းၼမ်ၸွမ်းမႄႈတင်ႈၶမ်ႈသေ လိုၵ်ႈမႃးၸင်ႇမႃးၼင်ႈၸွမ်းၶႃႈ။

မိူဝ်ႈၼႆႉဝၼ်းသုၵ်း ထႅင်ႈသွင်ဝၼ်းၵူၺ်း ၶႃႈၵေႃႈတေလႆႈတွပ်ႇလိၵ်ႈယဝ်ႉ၊ ယၢမ်းၵၢင်ၼႂ်ၸဝ်ႉ မိူဝ်ႈၶႃႈပႆၽၢတ်ႈပေႃႈၶဝ်ႈႁွင်ႈၼမ်ႉၼၼ်ႉ ၶႃႈဝူၼ်ႉမီးလွင်ႈတေလၢတ်ႈတေႃႇပေႃႈ မၢင်ၸိူဝ်းမၢင်လွင်ႈၼႂ်းႁူဝ်ၸႂ်ၶႃႈယူႇ၊ ၵူၺ်းၵႃႈ သမ်ႉဢမ်ႇမီးတိုဝ်ႉတၢင်းလႆႈလၢတ်ႈ၊ ၶႃႈပႆႇၶဝ်ႈႁွင်ႈၼမ်ႉသေ သီၶဵဝ်ႈ ဢၢပ်ႇၼမ်ႉ ယဝ်ႉယဝ်ႈ၊ ၽိူဝ်ႇၶႃႈဢွၵ်ႇမႃးၵေႃႈ ပေႃႈပေႃးဢွၵ်ႇၵႂႃႇႁဵတ်းၵၢၼ်ယဝ်ႉ။ ၵူၺ်းမိူဝ်ႈၼႆႉပဵၼ်ဝၼ်းဢၼ်ၶႃႈမီးတၢင်းသိူဝ်းၸႂ်ဢိတ်းၼိုင်ႈယူႇ၊ ၵွပ်ႈဝႃႈၶႃႈၸၢမ်းတွပ်ႉတူၺ်း ၶေႃႈထၢမ်ၵဝ်ႇ ဢၼ်ပူၼ်ႉမႃးသွင်ပီၼၼ်ႉ ၶႃႈတွပ်ႇလႆႈလီၵူႈၶေႃႈ ၼမ်လိူဝ်သေဢၼ်ၶႃႈဝူၼ်ႉဝႆႉၼၼ်ႉတေႉꧦ။ ပေႃးထိုင်ႈ ႑႑ မူင်းၵႂႃႇယဝ်ႉၼႆ ၶႃႈတေလိုဝ်ႈႁိူဝ်ႉလိုဝ်ႈၸႂ်ယဝ်ႉ ၵွပ်ႈဝႃႈ ထႅင်ႈသွင်ဝၼ်းၵူၺ်းၵေႃႈ တေလႆႈတွပ်ႇလိၵ်ႈယဝ်ႉ၊ ၶႃႈဢမ်ႇၶႂ်ႈဝူၼ်ႉၼမ်ၶမ်ၸႂ်လွင်ႈသင် ၵူဝ်တွပ်ႇလိၵ်ႈဢမ်ႇလႆႈၼင်ႇၸႂ်။

ၶႃႈၼွၼ်းလိုဝ်ႈႁိူဝ်ႉလိုဝ်ႈၸႂ်ယူႇၼိူဝ်ၸၼ်ႉသွင်၊ ၼွင်ႉၸၢႆးၶိုၼ်ႈမႃးလၢတ်ႈဝႃႈ ပေႃႈဢဝ်ၶဝ်ႈၽၵ်းဝေႉမႃးပၼ်တင်းတႂ်ႈ၊ မိူဝ်ႈၼၼ်ႉၼႂ်းၸႂ်ၶႃႈၵေႃႈ မီးလွင်ႈၶႂ်ႈလၢတ်ႈတေႃႇပေႃႈယူႇ၊ ၵူၺ်းသမ်ႉဝူၼ်ႉဝႃႈ ထႅင်ႈဢိတ်းၼိုင်ႈၵေႃႈလူင်းၵႂႃႇလၢတ်ႈတေႃႇၵႃႈၼႆယူႇ၊ ၶႃႈယူႇဢမ်ႇႁိုင် ၽိူဝ်ႇၶႃႈလူင်းမႃး ပေႃႈၶႃႈၵေႃႈပေႃးဢွၵ်ႇၵႂႃႇႁဵတ်းၵၢၼ်ထႅင်ႈယဝ်ႉ၊ ၶႃႈၵေႃႈၶိုၼ်းၶိုၼ်ႈမိူဝ်းၼင်ႈတူၺ်းငဝ်းတူင်ႉ တေႃႇပေႃးထိုင် ဝၢႆႇသၢမ်မူင်း၊ ယူႇၵမ်းၼိုင်ႈၵေႃႈ ငိၼ်းသဵင်ၾူၼ်းလင်မေႃးမႃး ႁိမ်းၶၢင်ႈၶႃႈ၊ ၶႃႈႁပ်ႉသေထွမ်ႇတူၺ်း ပဵၼ်သဵင်ၽူႈယိင်းလၢတ်ႈ မိူၼ်လၢတ်ႈဢွၵ်ႇၸိုဝ်ႈပေႃႈၶႃႈ ယဝ်ႉၵေႃႈလၢတ်ႈဝႃႈ ပေႃႈၶႃႈဢဝ်လူတ်ႉပိၼ်ႈ၊ ၵွပ်ႈငွၵ်းႁူဝ်မၼ်းဝေႈ လုၵ်ႈဢွၼ်ႇၶၢမ်ႈတၢင်း။

ၶႃႈဝူၼ်ႉၼႂ်းၸႂ်ၶႃႈ ပေႃႈတေဢမ်ႇပဵၼ်သင်ၵႃႈႁိုဝ်ၼႆယူႇ၊ ၶႃႈႁိပ်ႈၼႅတ်ႈၵႂႃႇတီႈႁူင်းယႃၵမ်းလဵဝ်၊ ပေႃးၶႃႈထိုင်ႁူင်းယႃယဝ်ႉၵေႃႈ မေႃယႃၶဝ်ႈၵေႃႈ ဢဝ်ဝႂ်ယွၼ်းၶႂၢင်ႉတႃႇတေၾႃႇတတ်း မႃးပၼ်ၶႃႈၵမ်းလဵဝ်၊ ဝႆးၶႃႈလူင်းလၢႆးမိုဝ်းယဝ်ႉၵေႃႈ ဢဝ်ပေႃႈၶႃႈ ၶဝ်ႈႁွင်ႈၾႃႇတတ်းၵႂႃႇၵမ်းလဵဝ်၊ ၶႃႈဢမ်ႇတၼ်းႁၼ်ၼႃႈပေႃႈသေဢိတ်း၊ ထိုင်ႁူဝ်ၶမ်ႈမႃး မေႈၶႃႈမႃးတီႈႁူင်းယႃသေ ႁႂ်ႈၶႃႈမိူဝ်းပႂ်ႉတီႈႁိူၼ်း မီးသင်ၵေႃႈတေသိုပ်ႇၾူၼ်းႁႃၼႆလႄႈ ၶႃႈၵေႃႈလႆႈမႃးၼွၼ်းတီႈႁိူၼ်းၼႂ်းၶိုၼ်းၼၼ်ႉ။

ၵၢင်ၼႂ်ၸဝ်ႉဝၼ်းသဝ် မေႈၶႃႈထူဝ်းမႃးလၢတ်ႈဝႃႈ "ပေႃႈသူလီၶိုၼ်ႈယဝ်ႉ ၵူၺ်းၵႃႈပႆႇႁူႉတူဝ် မိူဝ်ႈလဵဝ်ၼွၼ်းယူႇႁွင်ႈ ICU,။ ၶႃႈၵေႃႈတႅပ်းတတ်းၸႂ်လၢတ်ႈတီႈမႄႈဝႃႈ ဝၼ်းၸၼ်ၼႆႉၶႃႈတေဢမ်ႇၶဝ်ႈတွပ်ႇလိၵ်ႈယဝ်ႉ၊ ၶႃႈၶႂ်ႈၵႂႃႇပႂ်ႉတူၺ်းတၢင်းပဵၼ်ပေႃႈတီႈႁူင်းယႃ ၼႆယူႇ၊ မႄႈၸႂ်ႉဢၢဝ်ႁဝ်းပႂ်ႉတူၺ်းပေႃႈ တီႈႁူင်းယႃယဝ်ႉ ၼႅတ်ႈမႃးတီႈႁိူၼ်းၵမ်းလဵဝ်၊ ထိုင်ႁိူၼ်းယဝ်ႉၵေႃႈ လၢတ်ႈတီႈၶႃႈဝႃႈ ꧦၸွင်ႇႁူႉႁိုဝ် ဝႃႈပေႃႈလုၵ်ႈၶႂ်ႈႁႂ်ႈလုၵ်ႈ တွပ်ႇၶဝ်ႈၸၼ်ႉၸွမ်ၼၼ်ႉၵႃႈႁိုဝ်၊ ဢၼ်လႆႈပဵၼ်ၵႂႃႇမိူဝ်ႈၼႆႉ ယွၼ်ႉပေႃႈသူၼႅၼ်ႈၵႂႃႇလႂ်လႄႈပဵၼ် လုၵ်ႈသမ်ႉၸွင်ႇႁူႉႁႃႉ ?၊ ၶႃႈၵေႃႈတွပ်ႇဝႃႈဢမ်ႇႁူႉ။ မႄႈလၢတ်ႈႁႂ်ႈၶႃႈ ၶဝ်ႈတွပ်ႇလိၵ်ႈမိူဝ်ႈၽုၵ်ႈ၊ ယဝ်ႉၵေႃႈမႄႈလၢတ်ႈထႅင်ႈဝႃႈ "ဢၼ်ပေႃႈသူလႆႈထူပ်းၽေးၵိုင်ႉၵၢင်ႉၼၼ်ႉ ယွၼ်ႉမၼ်းတေၵႂႃႇတႆႈတဵၼ်း ယွၼ်းသူးႁႂ်ႈလုၵ်ႈတွပ်ႇလိၵ်ႈဢွင်ႇ၊ ၵူၺ်းသမ်ႉဢမ်ႇတၼ်းထိုင်သေ လႆႈထူပ်းၽေးၵိုင်ႉၵၢင်ႉၵႂႃႇဢွၼ်းတၢင်း"၊  မႄႈလၢတ်ႈထႅင်ႈဝႃႈ "သင်ဝႃႈပေႃႈသူႁူႉတူဝ်မႃးယဝ်ႉ သမ်ႉႁူႉဝႃႈလုၵ်ႈဢမ်ႇၶဝ်ႈတွပ်ႇလိၵ်ႈၼႆ ပေႃႈသူတေၽိတ်းၸႂ်ၵႃႈႁိုဝ်။ ၶႃႈလႆႈငိၼ်းၵႂၢမ်းၼၼ်ႉယဝ်ႉၵေႃႈ ၼႅတ်ႈတႅပ်းတတ်းၸႂ် ႁပ်ႉၵႂၢမ်းတီႈမႄႈဝႃႈ ၶႃႈတေၶဝ်ႈတွပ်ႇၼႆသေ၊ ၶႃႈပႆၶဝ်ႈၵႂႃႇၼႂ်းႁွင်ႈၼမ်ႉယဝ်ႉ ၼင်ႈႁႆႈယူႇတင်းႁိုင်၊ ဝူၼ်ႉဝႃႈပဵၼ်ပွၵ်ႈဢွၼ်တၢင်းသုတ်းယဝ်ႉ ဢၼ်ၶႃႈတေထူပ်းလွင်ႈ တုၵ်ႉၸႂ်ယႂ်ႇလူင်ၼႂ်းၸၢတ်ႈပၢၼ်ၶႃႈ။

ဝၼ်းဢႃးတိတ်ႉ မႄႈၶႃႈသိုပ်ႇၾူၼ်းမႃးလၢတ်ႈဝႃႈ ပေႃႈႁူႉတူဝ်ယဝ်ႉ၊ ၵူၺ်းပႆႇပၼ်ၶႃႈၵႂႃႇၸႂ်း၊ မႄႈလၢတ်ႈဝႃႈ "ပႂ်ႉႁႂ်ႈၶႃႈတွပ်ႇလိၵ်ႈယဝ်ႉၵွၼ်ႇ၊ တၢင်းၼႆႉလႄႈတင်းဢၢဝ်သူတေတူၺ်းထိုင်ၵူၺ်း ယႃႇမႆႈၸႂ်" ၼႆယူႇ၊ ၶႃႈၵေႃႈၸႂ်လီၶိုၼ်ႈမႃးဢိတ်းၼိုင်ႈ ငိၼ်းဝႃႈပေႃႈႁူႉတူဝ်ယဝ်ႉ၊ ၶႃႈလွမ်ဝူၼ်ယူႇဢၼ်ၼိုင်ႈ သင်ဝႃႈပေႃႈႁူႉဝႃႈ ၶႃႈတွပ်ႇလိၵ်ႈလႆႈ ပေႃႈတေလီၸႂ်ၸွမ်းၵႃႈႁိုဝ်ၼႆယူႇ၊ ၶႃႈၵေႃႈသမ်ႉတွပ်ႇလႆႈၵူႈဝၼ်း၊ တၢင်းပဵၼ်ပေႃႈၵေႃႈ လီၶိုၼ်ႈမႃး ၵူႈဝၼ်းꧦ၊ ၵူၺ်းၵႃႈ မႄႈၶႃႈၵေႃႈဢမ်ႇပၼ်ၶႃႈၵႂႃႇၸႂ်းလႃးꧦ၊ ႁၢၼ်ႉတေႃႇၶႃႈပေႃးတွပ်ႇလိၵ်ႈယဝ်ႉ ၼႂ်းၶၢဝ်းတၢင်းႁႃႈဝၼ်း၊ ဝၼ်းလိုၼ်းသုတ်းဢၼ်ၶႃႈတွပ်ႇလိၵ်ႈယဝ်ႉၼၼ်ႉ၊ ၶႃႈၵေႃႈၼႅတ်ႈၵႂႃႇတီႈႁူင်းယႃၵမ်းလဵဝ် သိူဝ်ႈၶူဝ်းၵေႃႈ ဢမ်ႇတၼ်းလႆႈလၢႆႈ။

ပေႃးၶႃႈထိုင်ႁူင်းယႃယဝ်ႉၵေႃႈ မႄႈထၢမ်ၶႃႈဝႃႈ "တွပ်ႇလိၵ်ႈယဝ်ႉႁလုၵ်ႈ"  ၶႃႈၵေႃႈတွပ်ႇဝႃႈ "တွပ်ႇယဝ်ႉမူတ်းယဝ်ႉၶႃႈ ၵူၺ်းၵႃႈဢမ်ႇပေႃးမိူၼ်ၸႂ်ၵႃႈႁိုဝ် ၵူၺ်းယုမ်ႇၸႂ်ယူႇၶႃႈ ဝႃႈတေဢွင်ႇပူၼ်ႉယူႇ" ၵမ်းၼၼ်ႉ မႄႈၵေႃႈပၼ်ၶႃႈၶဝ်ႈႁွင်ႈၵႂႃႇတူၺ်းပေႃႈ၊ ၽိူဝ်ႇၶႃႈႁၼ်ပေႃႈယဝ်ႉ ၶႃႈၸုၵ်းသေၶႅင်ယူႇတင်းႁိုင် ဢမ်ႇၸၢင်ႈယၢင်ႈၵႂႃႇၼႃႈ၊ ၶႃႈႁၼ်ပေႃႈႁူၼ်ႁူဝ်လိူမ်ႈသေ ၸွမ်းႁူဝ်ပေႃႈၼၼ်ႉ ပဵၼ်ဝႆႉႁွႆးၶဵမ်ဢၼ်ၾႃႇတတ်းၼၼ်ႉလူင်ၵႂႃႇသဵင်ႈ၊ ပေႃႈၶႃႈဢမ်ႇပႆႇႁူဝ်တူဝ်၊ မႄႈလၢတ်ႈဝႃႈ "ၶႂၢင်းပၼ်မႄႈဢိတ်းၼိုင်ႈၼႃႈလုၵ်ႈ ဢၼ်မေႈလၢတ်ႈဝႃႈ ပေႃႈသူႁူႉတူဝ်ယဝ်ႉ ၵူၺ်းမိူဝ်ႈလဵဝ်သမ်ႉ ပေႃႈသူဢမ်ႇပႆႇႁူႉတူဝ်"၊ ၶႃႈပႆၶဝ်ႈၵႂႃႇၸမ်ꧦၵေႃႈသေ ယိပ်းမိုဝ်းပေႃႈယဝ်ႉ ၼမ်ႉတႃၶႃႈၵေႃႈၵိင်ႈလူင်းမႃးၵမ်းလဵဝ်၊ ၶႃႈလၢတ်ႈတီႈပေႃႈဝႃႈ ၶႃႈတွပ်ႇလိၵ်ႈယဝ်ႉမူတ်းယဝ်ႉၼႃႈပေႃႈ ၼႅတ်ႈတိုၼ်ႇၶိုၼ်ႈမိုၼ်းတႃ မႃးတူၺ်း မၢႆဢွင်ႇမၼ်းၸွမ်းၵၼ်ၶႃႈၼႃပေႃႈ"။ 

ၵူၼ်းၵူႈၵေႃႉၼႂ်းႁွင်ႈၼၼ်ႉ မုင်ႈႁၼ်ၼိဝ်ႉမိုဝ်းပေႃႈတူင်ႉꧦသေ ဢွၼ်ၵၼ်လၢတ်ႈဝႃႈ ပေႃႈႁူႉတူဝ်ယဝ်ႉ၊ မေႃယႃၶဝ်ၵေႃႈ ၼႅတ်ႈမႃးတူၺ်းပေႃႈၵမ်းလဵဝ် ယဝ်ႉၵေႃႈလၢတ်ႈဝႃႈ "မိူဝ်ႈလဵဝ်ၼႆႉဢမ်ႇပေႃးလူဝ်ႇမႆႈၸႂ်ယဝ်ႉၶႃႈ လုင်းလွတ်ႈၽေးလီယဝ်ႉ" ၼႆလႄႈ ၶႃႈၵေႃႈလီၸႂ်ၶိုၼ်ႈမႃးဢိတ်းၼိုင်ႈ၊ ၶိုၼ်းၼၼ်ႉၶႃႈၵေႃႈပွၵ်ႈမိူဝ်းၼွၼ်းတီႈႁိူၼ်းၸွမ်းမႄႈ၊ မိူင်းလႅင်းမႃးၵေႃႈ မႄႈၼႅတ်ႈလုၵ်ႉၵႂႃႇႁူင်းယႃၵမ်းလဵဝ်၊ မႄႈထိုင်ႁူင်းယႃယဝ်ႉ သိုပ်ႇၾူၼ်းမႃးလၢတ်ႈၶႃႈဝႃႈ "မိူဝ်ႈၵၢင်ၶိုၼ်းၵူၼ်းဢၼ်ၼွၼ်းတီႈၵူႈ ႁိမ်းၶၢင်ႈတီႈၼွၼ်းပေႃႈသူၼၼ်ႉ ႁၼ်ပေႃႈသူမိုၼ်းတႃသေ တူၺ်းသၢႆႉ တူၺ်းၶႂႃယူႇၼႆဝႃႇ"  ၊ မႄႈၶႃႈၵေႃႈတူၺ်းလႅမ်ႈလီၸႂ်တေႉꧦ၊ ၶႃႈလၢတ်ႈတီႈမႄႈဝႃႈ ၸမ်ꧦပႅတ်ႇမိူင်းၶႃႈၸင်ႇတေႉၵႂႃႇၼႆယူႇ၊ ယူႇထႅင်ႈဢိတ်းၼိုင်ႈ ၸမ်ꧦၸဵတ်းမူင်း မႄႈၶႃႈသိုပ်ႇၾူၼ်းမႃးထႅင်ႈၵမ်းၼိုင်ႈ လၢတ်ႈဝႃႈႁႂ်ႈဢဝ် ၶူဝ်းၸုမ်ႇမႂ်ꧦ လႄႈတင်းသိူဝ်ႈၼႃႇႁူမ်ႇၶွင်ပေႃႈ မႃးၸွမ်းၼႆယဝ်ႉ၊ ၵမ်းၼၼ်ႉၶႃႈၵေႃႈ ၼင်ႈလူင်းတီႈၼၼ်ႈသေ ငဝ်မိုင်ထိုင်ၼမ်ႉတႃ ပေႃးတူၵ်းလူင်းမႃး ၵွပ်ႈၶႃႈႁူႉဝႃႈမႄႈၶႂ်ႈလၢတ်ႈထိုင်သင်။

ၶႃႈႁူႉဝႃႈ ၶႃႈလႆႈသုမ်းၵူၼ်းဢၼ်ၶႃႈႁၵ်ႉသေပိူၼ်ႈ ၼႂ်းၸၢတ်ႈပၢၼ်ၶႃႈယဝ်ႉ၊ ၶႃႈဢမ်ႇမီးတိုဝ်ႉတၢင်း တႃႇတေလႆႈလၢတ်ႈတေႃႇၶဝ်ထႅင်ႈယဝ်ႉ၊ ပေႃႈပႂ်ႉတေႃႇထိုင် ဝၼ်းၶႃႈတွပ်ႇလိၵ်ႈယဝ်ႉ၊ ပေႃႈပႂ်ႉတေႃႇထိုင် ၶႃႈၵႂႃႇလၢတ်ႈဝႃႈ ၶႃႈတွပ်ႇလိၵ်ႈယဝ်ႉမူတ်းယဝ်ႉ၊ ပေႃႈၸင်ႇယၢၼ်းၶႃႈၵႂႃႇယဵၼ်ꧦ၊ ပဵၼ်ပွၵ်ႈလဵဝ်ၼႂ်းၸၢတ်ႈပၼ် ဢၼ်ၶႃႈႁွင်ႉႁႆႈႁႅင်းသေပိူၼ်ႈ ၵွပ်ႈၶႃႈလူႉသုမ်းၵေႃႉဢၼ်ၶႃႈႁၵ်ႉသေပိူၼ်ႈ၊ တွၼ်ႈတႃႇၶႃႈတေဢမ်ႇမီးၽႂ် ၽျေႃႇၵေႃႇၽီႇ ဢုၼ်ႇꧦၶူမ်ꧦ မႃးပၼ်ထႅင်းယဝ်ႉ၊ တေဢမ်ႇမီးၽႂ်ပႂ်ႉပၼ်ႁႅင်းၶႃႈၽွင်းၶႃႈငဝ်ထႅင်ႈယဝ်ႉ၊ တေဢမ်ႇမီးၽႂ် ဢဝ်မိုဝ်းလုပ်ႈႁူဝ် တွႆႇမႃႇၶႃႈသေ လၢတ်ဝႃႈ ၶတ်းၸႂ်ꧦၼႃႈလုၵ်ႈ ပေႃႈပၼ်ႁႅင်းၸႂ်ယူႇၼႆထႅင်ႈယဝ်ႉ၊ ၶႃႈတေဢမ်ႇမီးဝၼ်းတေလႆႈလွင်ႈဢုၼ်ႇၸႂ် ၸိူဝ်းၼၼ်ႉထႅင်ႈယဝ်ႉ၊ တီႈတေႉၶဝ်ၵေႃႉၼၼ်ႉ ပဵၼ်ၵေႃႉဢၼ်ၶႃႈႁၵ်ႉသေပိူၼ်ႈၵေႃႉၼိုင်ႈ၊ ဢဝ်ၼႆႉၵႂႃႇၼႃႈၶႃႈတေဢမ်ႇမီးတိုဝ်ႉတၢင်း လႆႈလၢတ်ႈဝႃႈ "ပေႃႈ" ၼႆထႅင်ႈယဝ်ႉ။

ယူႇၵႂႃႇယူႇမႃး ၶၢဝ်းယၢမ်းပူၼ်ႉမႃးယဝ်ႉ သိပ်းပီ၊ မီးလွင်ႈလဵဝ်ဢၼ်ႁဵတ်းႁႂ်ႈၶႃႈၸဵပ်းၸႂ်ထိုင်ဝၼ်းၼႆႉ၊ ပဵၼ်ၵၢင်ၼႂ်ၸဝ်ႉ ဝၼ်းသုၵ်း ၼႃႈႁွင်ႈၼမ်ႉ မိူဝ်ႈသိပ်းပီပူၼ်ႉမႃး၊ မိူဝ်ႈၶႃႈပႆၽၢတ်ႈပေႃႈၶဝ်ႈႁွင်ႈၼမ်ႉ လူၺ်ႈဢမ်ႇလႆႈလၢတ်ႈၵႂၢမ်းသင် သေၶေႃႈ၊ တီႈတေႉၶႃႈထုၵ်ႇလီလၢတ်ႈတီႈပေႃႈဝႃႈ "ၶႃႈႁၵ်ႉပေႃႈသေပိူၼ်ႈ" ၵူၺ်းၵႃႈၶႃႈသမ်ႉဢမ်ႇလၢတ်ႈသင်သေ ပႆၽၢတ်ႈၵႂႃႇလၢႆꧦၵူၺ်း။ တေႇဢဝ်ၼၼ်ႉမႃး ၶႃႈဢမ်ႇယၢမ်ႈလိုမ်း လၢတ်ႈတီႈၵူၼ်းဢၼ်ၶႃႈႁၵ်ႉၼၼ်ႉဝႃႈ "ၶႃႈႁၵ်ႉၶဝ်တၢၼ်ႇႁိုဝ်ၼႆၼၼ်ႉ"၊ ၶႃႈတိုၼ်းတေဢမ်ႇယွမ်းသုမ်းၵေႃႇဢၼ်ၶႃႈႁၵ်ႉၼၼ်ႉ လူၺ်းဢမ်ႇလႆႈလၢတ်ႈဝႃႈႁၵ်ႉၶဝ်တၢၼ်ႇႁိႃဝ်။ မိူဝ်ႈမီးလွင်ႈတေလၢတ်ႈတီႈၵူၼ်းၵေႃႉၼိုင်ႈဝႃ "ႁၵ်ႉၶဝ်" ၼႅတ်ႈလၢတ်ႈမိူဝ်ႈမီးၶၢဝ်းယၢမ်းလႄႈ ၵူဝ်လႆႈသုမ်းၵေႃႉဢၼ်ႁၵ်ႉၼၼ်ႉထႅင်ႈလူၺ်းဢမ်ႇလႆႈလၢတ်ႈဝႃႈႁၵ်ႉၶဝ်တၢၼ်ႇႁိုဝ်။

ၸိူင်းၼႆဢိင်ၼိူဝ် ၸိူင်းငဝ်းတူင်ႉၵမ်ႉၽွင်ႈသေ တႅမ်ႈဢွၵ်ႇမႃးၵူၺ်း ဢမ်ႇၸႂ်ႈဝႃႈတူဝ်ထူပ်းၶႃႈႁဝ်း၊ ၵူၺ်းၵႃႈၸိူင်ႉႁိုဝ်ၵေႃႈလီ မိူဝ်ႈမီးၶၢဝ်းယၢမ်းလႄႈတိုဝ်ႉတၢင်းၼၼ်ႉ ထုၵ်ႇလီလၢတ်ႈဝႃႈ "ႁၵ်ႉၸိူဝ်းၶဝ်ၼႃႇ" ၼႆၵူႈဝၼ်းယူႇ၊ ၵွပ်ႈဝႃႈလွင်ႈၽၢတ်ႇယၢၼ်ၵၼ်ၼၼ်ႉ ႁဝ်းလၢတ်ႈဢမ်ႇလႆႈဝႃႈ မိူဝ်ႈၼၼ်ႉမိူဝ်ႈၼႆႉတေလႆႈၽၢတ်ႇယၢၼ်ၵၼ် ႁဝ်းၸၢင်ႈၽၢတ်ႇယၢၼ်ၵၼ်လႆႈၵူႈၶၢဝ်းၼၼ်ႉယဝ်ႉ။ 

ၸဝ်ႈၵွၼ်းၶမ်း ဢေႃးတိပ်ႉပ (မိူင်းသၢတ်ႇ)

14/ 7/ 2017 

လွင်ႈတဵမ်ထူၼ်ႈဢမ်ႇၸႂ်ႈၶေႃႈတွပ်ႇ တင်းမူတ်းၼႂ်းၸၢတ်ႈပၢၼ်

လွင်ႈတဵမ်ထူၼ်ႈဢမ်ႇၸႂ်ႈၶေႃႈတွပ်ႇ တင်းမူတ်းၼႂ်းၸၢတ်ႈပၢၼ် 

ၵလိင်း ၵလိင်း ၵလိင်း (သဵင်ၾူၼ်း)

ႁႃလူဝ်...

မႄႈ... လုၵ်ႈၵိၼ်ၶဝ်ႈယဝ်ႉႁ?

လုၵ်ႈ... ပႆႇလႆႈၵိၼ်သင်မႄႈ၊

မႄႈ... ႁဵတ်းၵၢၼ်ၸွင်ႇႁိူဝ်ႉႁိုဝ်လုၵ်ႈ?

လုၵ်ႈ.... ၵေႃႈဢူဝ်ၶေယူႇမႄႈ၊

မႄႈ..... လုၵ်ႈယူႇလီယူႇႁ?

လုၵ်ႈ..... ၵေႃႈမိူၼ်ၼၼ်ယဝ်ႉဝႃႈမႄႈ၊

တေထၢမ်သင်လူင်လၢင် ၵႃႈၼႆႉၵွၼ်ႇမႄႈ တိုၵ်ႉသုၵ်ႉသၵ်ႉယူႇမိူဝ်ႈလဵဝ်။

(ၶေႃႈၵႂၢမ်းၵမ်းလိုၼ်းသုတ်း မိူဝ်ႈလုၵ်ႈတေဝၢင်းသၢႆမႄႈ)

တုတ်း တုတ်း တုတ်း (သဵင်ၾူၼ်း) 

မိူဝ်ႈၶႃႈတိုၵ်ႉမီးတၢင်းသိူဝ်းသေ ႁဵတ်းၵၢၼ်၊ လႆႈၸႂ်ႉၸၢတ်ႈပၢၼ်ယူႇၸွမ်းၵေႃႉၶႃႈႁၵ်ႉ၊ ဢွၼ်ၵေႃႉၶႃႈႁၵ်ႉ မူၼ်ႈၵျေႃႇ လေႇတီႈၼိုင်ႈယဝ်ႉတီႈၼိုင်ႈ၊ တီႈဢၼ်ၶႂ်ႈၵႂႃႇၸိူဝ်းၼၼ်ႉ ဢွၼ်ၵႂႃႇမူတ်းꧦ၊ သိူဝ်ႉၶူဝ်းၶွင် ဢၼ်ၵႃႈၶၼ်ယႂ်ႇꧦပၼ်၊ ၵႃႈဢၼ်ၶႂ်ႈလႆႈၼၼ်ႉ ၶႃႈသိုဝ်ႉပၼ်မူတ်းꧦ ဢမ်ႇဝႃႈၵႃႈၶၼ်မၼ်းတေယႂ်ႇၵႃႈႁိုဝ် တွၼ်ႈတႃႇၵေႃႉၶႃႈႁၵ်ႉၼၼ်ႉ။ 

ယူႇၵႂႃႇဝၼ်းၼိုင်ႈ မီးမၢႆၾူၼ်းဢၼ်လၢၵ်ႇလၢႆးၶဝ်ႈမႃး၊ ပဵၼ်သဵင်ၽူႈယိင်းတွင်ႈထၢမ်ၶႃႈဝႃႈ၊ ꧦၶႂၢင်းပၼ်ဢိတ်းၼိုင်ႈၶႃႈ ၸွင်ႇသူၸႂ်ႈပီႈၼွင်ႉၵၼ်တင်း ပႃႈသႅင်မွၼ်းၶႃႈႁ?ꧦ ၊ ၶႃႈၼၢင်းပဵၼ်မေႃယႃ မႃးႁၵ်ႉပႃႈၶႃႈဢေႃႈ၊ မီးၵူၼ်းသိုပ်ႇၾူၼ်းလၢတ်ႈဝႃႈ ႁၼ်ပႃႈသႅင်မွၼ်း ၼွၼ်းလိုမ်းတူဝ်ယူႇၼႂ်းဝၢင်းႁိူၼ်းၼၼ်ႉလႄႈ၊ မေႃယႃၸင်ႇဢဝ်မႃးတီႈ ႁူင်းယႃလူင်သေ ၵူတ်ႇထတ်း သွၵ်ႈႁႃတူၺ်းၼႂ်းၾူၼ်းပႃႈလႄႈ ႁၼ်မႅၼ်ႈၺႃး မၢႆၾူၼ်း ဢၼ်ၼႆႉတႅမ်ႈဝႆႉဝႃႈ ꧦ လုၵ်ႈႁၵ်ႉꧦ ၼႆၶႃႈလႄႈ ၸင်ႇၵပ်းသိုပ်ႇတူၺ်း ႁႂ်ႈမႃးတူၺ်း တၢင်းပဵၼ်ပႃႈတီႈႁူင်းယႃလူင်ၼႆႉ ၶႃႈဢေႃႈ။ꧦ

ꧦဢေႃႈၶႃႈ တေၼႅတ်ႈၵႂႃႇၶႃႈꧦ။ 

ꧦၶႃႈၼင်ႈလူင်းတီႈၼၼ်ႈ ၵမ်ႉၼိုင်ႈသေ တၢင်းဝူၼ်ႉဢၼ်ၼိုင်ႈၵေႃႈ ၶိုၼ်ႈႁူဝ်မႃးꧦ၊

ꧦႁၵ်ႉ ႁဝ်းပၼ်ၶေႃႈမၼ်ႈၵႅၼ်ႇၵၼ်ဝႆႉ ၼႆလၢတ်ႈဝႃႈတေၵႂႃႇလေႇ ပၢင်ႇလၢႆႇၸွမ်းၵၼ်ꧦ၊

ꧦထႅင်ႈသွင်ဝၼ်းသမ်ႉ ၶိင်း လၢတ်ႈၵၼ်ဝႆႉတင်းၵူၼ်းလူင် VIP ၶဝ်ꧦ၊
ꧦဝူင်ႈၼႃႈသမ်ႉ ၽူႈပွင်ၵၢၼ်လူင်ဝႃႈ တေၶိုၼ်ႈပၼ်ၸၼ်ႉထၢၼ်ႈꧦ၊
ꧦၼႆဝႃႈတေၵႂႃႇ Party ပၢင်ၵိၼ်ၵျေႃႇဝၼ်းၵိူတ်ႇတႆးၵေႃႉꧦ၊

ၽွင်းတိုၵ်ႉဝူၼ်ႉၵႂင်ယူႇၼၼ်ႉ ၶေႃႈထၢမ်ဢၼ်ၼိုင်ႈၵေႃႈ လႆႈၽုတ်းပေႃႇၶိုၼ်ႈမႃး ꧦသင်လႃႇလွင်ႈတဵမ်ထူၼ်ႈတွၼ်ႈတႃႇၸၢတ်ႈပၢၼ်မႂ်း?ꧦ

ၶႃႈဝၢင်းၽႃႈပႅတ်ႈၵူႈၸိူဝ်းၵူႈလွင်ႈ ဢၼ်ဝူၼ်ႉဝႃႈပဵၼ်လွင်ႈတဵမ်ထူၼ်ႈ၊ ပဵၼ်လွင်ႈၵျေႃႇမူၼ်ႈၼႂ်းၸၢတ်ႈပၢၼ်ၶႃႈသေ၊ ၼႅတ်ႈဢွၵ်ႇၶၢဝ်းတၢင်းၵႂႃႇႁႃ တီႈႁူင်းယႃဢၼ်မီးမႄႈယူႇၼၼ်ႉ၊  ၼႂ်းၶၢဝ်းတၢင်းၼၼ်ႉ ၶႃႈလွမ်ယွၼ်းသူး တိူင်ႇၵၢဝ်ႇၽႃၽီ ႁႂ်ႈပၼ်ၶၢဝ်းယၢမ်းၶႃႈ လႆႈထူပ်းမႄႈထႅင်ႈ ပွၵ်ႈၵမ်းလိုၼ်းသုတ်းထႅင်ႈပွၵ်ႈၼိုင်ႈၼႆယူႇ။
ၽိူဝ်ႇၶႃႈထိုင်ႁူင်းယႃလူင်ယဝ်ႉ ၶဝ်ႈၵႂႃႇၼႂ်းႁူင်းယႃလူင်သေ လႆႈမုင်ႈႁၼ်မေႃယႃလူင် ဢွၵ်ႇႁွင်ႈ ICU မႃးယဝ်ႉ လၢတ်ႈဝႃႈ ꧦမွင်ၸႂ်ၸွမ်းတေႉၼႃ မႄႈပႃႈၵႂႃႇႁွတ်ႈတီႈလီယဝ်ႉၶႃႈꧦ၊ ၼႂ်းၶၢဝ်းယၢမ်းၸူဝ်ႈၵႅပ်ႉၼၼ် ၶႃႈမိူၼ်ဢမ်ႇမီးဢဵၼ်ႁႅင်းလုၵ်ႉၸုၵ်းယဝ်ႉ၊ ၶႃႈၼင်ႈလူင်းတီႈၼၼ်ႈသေ ငဝ်မိုင် မိူၼ်ဢွၵ်းဢေႃဝူၼ်ႉသင်ဢမ်ႇဢွၵ်ႇ ၵႂင်လူင်ၵႂႃႇမူတ်း၊

ၶႃႈဝူၼ်ႉၼႅင်ၸႂ်လိူဝ်ပိူၼ်ႈ ၵွပ်ႈဝႃႈၶႃႈဝူၼ်ႉၽိတ်းမႃးယူႇၵူႈၶၢဝ်းယၢမ်း၊ ဝူၼ်ႉၶႂ်ႈမီးၸၢတ်ႈပၢၼ်လီ၊ ဝူၼ်ႉၶႂ်ႈမီး ၼႃႈႁိူၼ်းဢၼ်ဢုၼ်ႇၸႂ် ဢၼ်ၵျေႃႇမူၼ်ႈၸႂ်၊ ထိုင်ပေႃးလိုမ်းဝူၼ်ႉထိုင်ၵူၼ်းဢၼ်ပၼ်ၸၢတ်ႈပၢၼ်ၶႃႈၼႆႉမႃး၊

ၶႃႈဝူၼ်ႉဢမ်ႇဢွၵ်ႇဝႃႈ တေဢဝ်လွင်ႈတဵမ်ထူၼ်ႈၼႆႉ ၵႂႃႇလၢတ်ႈၼေၽႂ်ထွမ်ႇ၊ ၽွင်းမိူဝ်ႈၶႃႈဝူၼ်ႉၽိတ်း တေမီးၽႂ်ၸွႆႈဝူၼ်ႉၼေတၢင်းပၼ်ၶႃႈ၊ တေမီးၽႂ်ထူဝ်းမႃးထၢမ်ၶႃႈထႅင်ႈဝႃႈ ꧦၵိၼ်ၶဝ်ႈယဝ်ႉႁႃႉ? ႁဵတ်းၵၢၼ်ၸွင်ႇႁိူဝ်ႉႁိုဝ်ꧦ ၸဵမ်ၸိူဝ်းၼႆႉ၊ ထူဝ်းယဝ်ႉထူဝ်းထႅင်ႈ တေႃႈၼင်ႇႁူႉဝႃႈ ၶႃႈမိူဝ်ႇ ၶႃႈသုၵ်ႉသၵ်ႉ ၶႃႈၸႂ်လမ် ၵေႃႈယင်းတိုၵ်ႉထူဝ်းထၢမ် ၸွမ်းမႆႈၸႂ်ၸွမ်းယူႇၵူႈၶၢဝ်းယၢမ်း၊ ၽႂ်တေလၢတ်ႈထႅင်ႈဝႃႈ ႁဵတ်းၼၼ်လီ ႁဵတ်းၼႆလီ၊ ၽႂ်တေယွင်ႈယၢမ်းထႅင်ႈဝႃႈ ၶႃႈပဵၼ်ၵူၼ်းၵတ်ႉၶႅၼ်ႇ ပေႉသမ်ႉႁူႉဝႃႈၶႃႈႁဵတ်းသင်ဢမ်ႇပဵၼ်၊ ၽႂ်တေယူႇႁိမ်းၸမ်ပႂ်ႉပၼ်ႁႅင်းၶႃႈထႅင်ႈ ၽွင်းမိူဝ်ႈၶႃႈဢမ်ႇၵိုတ်းၽႂ်၊ ၶႃႈဝူၼ်ႉဝႃႈလွင်ႈတဵမ်ထူၼ်ႈ ဢမ်ႇၸႂ်ႈၶေႃႈတွပ်ႇတင်းမူတ်းၼႂ်းၸၢတ်ႈပၢၼ်။

ၶႃႈယုမ်ႇယမ်ဝႃႈ ပေႃႈ-မႄႈ ၵူႈၵေႃႉ ဢမ်ႇမုင်ႈမွင်းသင်ၼိူဝ်လုၵ်ႈလၢင်း၊ လိူဝ်သေလွင်ႈမႆႈၸႂ် လွင်ႈဢဝ်ၸႂ်သႂ်ႇၼိူဝ်ၶဝ်၊ ၶဝ်ဢမ်ႇမုင်ႈမွင်းဝႃႈ ႁႂ်ႈလုၵ်ႈလၢင်းမႃးယူႇႁိမ်းၸမ်ၶဝ်တႃႇသေႇ၊ ယဝ်ႉၵေႃႈဢမ်ႇမုင်ႈမွင်းဝႃႈ တေလႆႈမႃးလဵင်ႉလူလုမ်းလႃးၶဝ်၊ ဢၼ်ၶဝ်မုင်ႈမွင်းလိူဝ်သေပိူၼ်ႈတေႉ ပဵၼ်သဵင်ၶေႃႈၵႂၢမ်းဢွၼ်ႇဝၢၼ်ꧦ ဢၼ်ထၢမ်ထိုင် လွင်ႈပၢႆးယူႇလီၶဝ်၊ မႆႈၸႂ်ၼိူဝ်ၶဝ်၊ ပႂ်ႉပၼ်ႁႅင်းၸႂ်ၶဝ်၊ ၶေႃႈၵႂၢမ်းဢၼ်ဢမ်ႇပွႆႇၽႃႈဝၢင်းပႅတ်ႈၶဝ် ၵႃႈၼႆႉၵူၺ်းၵေႃႈၶဝ်မီးတၢင်းသိူဝ်းၸႂ်ၼႃႇယဝ်ႉ။

လိုၼ်းသုတ်းမႃး ၶႃႈဝူၼ်ႉဝႃႈ လွင်ႈတဵမ်ထူၼ်ႈ ၼႂ်းၸၢတ်ႈပၢၼ်ၼၼ်ႉ ပဵၼ်လွင်ႈဢၼ်လႆႈ လဵင်ႉလူလုမ်းလႃး တူၺ်းထိုင်ပေႃႈ - မႄႈ၊ ပႂ်ႉပၼ်ႁႅင်းပေႃႈ - မႄႈ ယၢမ်းမိူဝ်ႈဢမ်ႇယူႇလီ၊ ႁဵတ်းႁႂ်ႈလီသေပိူၼ်ႈ ၼင်ႇႁဝ်းပွင်ပဵၼ်လႆႈၼၼ်ႉ လိုၼ်းသုတ်း သင်ဝႃႈႁဝ်းလႆႈယၢၼ်ၵၼ်ၵႂႃႇၵေႃႈ၊ တေဢမ်ႇလႆႈဝူၼ်ႉသေ ၼဵင်ၸႂ် ၼမ်ႉတႃတူၵ်းဝၢႆးလင် မိူဝ်ႈၶဝ်ဢမ်ႇလႆႈႁပ်ႉႁူႉၸွမ်းသင်ယဝ်ႉ။

ၶေႃႈပၼ်တၢင်းႁၼ်ထိုင်- ၸိူင်ႉႁိုဝ်ၵေႃႈလီ သင်ဝႃႈလႆႈဢၢၼ်ႇ ၸိူင်းပွတ်းဢွၼ်ႇတွၼ်ႈၼႆႉယဝ်ႉၼႆ ႁႂ်ႈဢွၼ်ၵၼ်မေႃ ႁၵ်ႉပႅင်း မေႃတူၺ်းထိုင်လိုမ်းလႃး ၵေႃႉဢၼ်ပၼ်ၸၢတ်ႈပၢၼ်ႁဝ်းမႃးသေ ဢမ်ႇၵႃး လႆႈလဵင်ႉႁဝ်းမႃးတေႃႇပေႃးယႂ်ႇၼၼ်ႉတေႉꧦယူႇ၊ ဢၼ်ၸိူဝ်းယူႇၵႆၵေႃႈ ႁိုင်ꧦၼၢၼ်းꧦ ၼိုင်ႈလိူၼ်ၼိုင်ႈပွၵ်ႈဢမ်ႇဝႃႈ ထုၵ်ႇလီထူဝ်းသိုပ်ႇထၢမ်လွင်ႈပၢႆးယူႇလီၶဝ်ၸဝ်ႈယူႇၼႆ ၶႂ်ႈတိုၵ်းသူၼ်းၼင်ႇၼႆယဝ်ႉ။


ၸဝ်ႈၵွၼ်းၶမ်း ဢေႃးတိပ်ႉပ (မိူင်းသၢတ်ႇ)  
ပိၼ်ႇတႅမ်ႈ
4 / 7 / 2017   ( 6: 35 PM)  

ၸၢတ်ႈပၢၼ် လႄႈ လွင်ႈၼွၼ်းၾၼ်

ၸၢတ်ႈပၢၼ် လႄႈ လွင်ႈၼွၼ်းၾၼ်

ၸၢတ်ႈပၢၼ်ၵူၼ်းႁဝ်းၵူႈၵေႃႉၼႆႉ ဢမ်ႇပိူင်ႈသင်ၵၼ်တင်း ၼွၼ်းၾၼ်၊ ၵွပ်ႈပိူဝ်ႈသင်လႃႇပေႃးၼႆႉ၊ ၵွပ်ႈၵူႈလွင်ႈပေႃႉပဵၼ်မႃးယဝ်ႉ ပူၼ်ႉသုတ်းၵႂႃႇ၊ ဢမ်ႇမီးသင်မၼ်ႈၵိုမ်း၊ ဢမ်ႇမီးသင်မၼ်ႈၵႅၼ်ႇ၊ ဢမ်ႇမီးလွၼ်ႉၵႅၼ်သင်၊ လွင်ႈၸိူဝ်းပူၼ်ႉၵႂႃႇၵေႃႈ ဢမ်ႇၸၢင်ႈတိုတ်ႉၸၼ်ၶိုၼ်းလႆႈ၊ ၽွင်းမိူဝ်းတိုၵ်ႉပဵၼ်ယူႇၼၼ်ႉတေႉ မိူၼ်ႁၢင်ႈၸိုင်ႈၸႂ်ႈဝႆႉ၊ ၵူၺ်းလွင်ႈၼၼ်ႉၵေႃႈပူၼ်ႉၵႂႃႇ ပဵၼ်လွင်ႈဢၼ်ပူၼ်ႉမႃး၊ ငၢႆးမိူၼ်လွင်ႈၼွၼ်းၾၼ်၊ ပဵၼ်မိူၼ်ၵူၼ်းၼွၼ်းလပ်း မိူဝ်ႈၽွင်းတိုၵ်ႉလပ်းၾၼ်ယူႇၼၼ်ႉ ဝူၼ်ႉဝႃႈၵူႈလွင်ႈၸိူဝ်းတိုၵ်ႉၾၼ် ပဵၼ်လွင်ႈၸိုဝ်ႈၸႂ်ႈ၊ ပဵၼ်လွင်ႈမၼ်ႈၵိုမ်း၊ ၽိူဝ်ႇတိုၼ်ႇၶိုၼ်ႈမိုၼ်းတႃယဝ်ႉ ၵူႈလွင်ႈၵေႃႈႁၢႆၵႂႃႇ၊ ဝၢႆးၼၼ်ႉၸင်ႇႁူႉတူဝ်ဝႃႈ လွင်ႈၼၼ်ႉပဵၼ်လွင်ႈၼွၼ်းၾၼ်၊ ဢမ်ႇၸႂ်ႈလွင်ႈတေႉ မၼ်းပဵၼ်လွင်ႈၼွၼ်းၾၼ်၊ ပဵၼ်လွင်ႈဢမ်ႇၸိုဝ်ႈၸႂ်ႈ၊ ပဵၼ်လွင်ႈဢမ်ႇမၼ်ႈၵိုမ်းၵူၺ်း။

ၵွပ်ႈၼၼ်လႄႈ ၸၢတ်ႈပၢၼ်ၵူၼ်းႁဝ်းၵူႈၵေႃႉၵေႃႈၼင်ႇၼၼ်၊ မိူဝ်ႈၽွင်းတိုၵ်ႉမီးသၢႆၸႂ်ယူႇၼၼ်ႉ ဝူၼ်ႉဝႃႈၵူႈၸိူဝ်းၵူႈလွင်ႈ ပဵၼ်လွင်ႈဢၼ်ၸိုဝ်ႈၸႂ်ႈ၊ ပဵၼ်လွင်ႈဢၼ်မၼ်ႈၵိုမ်း၊ ၶိုၼ်းလိုမ်းတူဝ်သေ ဝူၼ်ႉဝႃႈ ၵဝ်ပဵၼ်ၶႃႈ မႂ်းပဵၼ်ၶုၼ်၊ ၵဝ်ပဵၼ်ၵူၼ်းမီး မႂ်းပဵၼ်ၵူၼ်ၽၢၼ်၊ ၵဝ်ပဵၼ်ၵူၼ်းႁၢင်ႈလီ မႂ်းပဵၼ်ၵူၼ်းႁၢင်ႈၸႃႉ၊ ၼႆသေ ဝူၼ်ႉထၢင်ႇယႂ်ႇၼိူဝ်တူဝ်ၸဝ်ႈၵဝ်ႇယူႇ၊ လိုၼ်းသုတ်းမၼ်း ꧤိူဝ်ႇတၢႆတႃလိုမ်းမိူင်းယဝ်ႉ၊ ၸင်ႇတေႁူႉဝႃႈ ၼႂ်းၸၢတ်ႈပၢၼ်ၵူၼ်းႁဝ်းၼၼ်ႉ ဢမ်ႇမီးသင်မၼ်ႈၵိုမ်း၊ ဢမ်ႇမီးသင်ၸိုဝ်ႈၸႂ်ႈ၊ ဢမ်ႇမီးလွၼ်ႉၵႅၼ်သင် ပဵၼ်ၾၼ်လွၼ်ႉꧦၵူၺ်း ၼႆယူႇယဝ်ႉ။

ၸဝ်ႈၵွၼ်းၶမ်း ဢေႃးတိပ်ႉပ (မိူင်းသၢတ်ႇ)

႓/ ႗/ ႒႐႑႗ ႉႉႉ ႑႐ :႔႒ 

World and Peace

World and Peace

Before our world it so peace and beauty may be long lung a go was passed from generation to generation for many years they staying with these world by nature life and pleasure life. They look after the world by don’t cut any trees by doing like this is means they plant they trees to save the world but on that time may be they don’t know it can save world or not. They know only how to spent they are life to stay day by day and find the food for eating and find something for they are life and how to be stay in these day and how about tomorrow. Especially they didn’t destroy the forests because in the forests they are so many animal and also the forests is the place for finding they are food so they look after the forests for the animal and for they are food and they are life.

But nowadays model age they cannot stay with the nature life and pleasure life they cut all the trees for make it to money and killing all the animals for sale it and change to money. And they produce a lot of things. According the professional people nowadays all the profession are can destroy our world.

The real spirit of fellowship which is lacking in the world today can be promoted only through religion. Religion is an education of the heart with a view to refining our nature and elevating us in the scale of human being, it is not merely theory but practice, and the heart, like the body becomes healthy and strong by practical exercise.

We are living today in a world torn between despair and hope. Our despair is due to many cause, the most serious of which is the constant fear of war, for although humanity wills peace, and the desire for peace exists everywhere throughout the world, instead of trying to give effect to that almost universal desire peace each country has been arming to the limits of its capacity. Already more than half the national incomes of the world are being used for the preparation of war and the maximum of our energy.

And there are many ways to promote peace in the world but perhaps the best way is to promote it within ourselves. Peace is a gradual and wonderful event that occurs because compassionate people are inspired to help others discover the joy of peace. Helping others also has the direct effect of increasing our personal peace and well-being, but this is merely one of the many bonuses that come from sharing our kindness with our fellow human beings. Did we mention that is better to give than to receive our worlds?

Conclusion

      The world is very important for the human and animal. The natural world must have of trees, rivers, animals and birds, forests, and mountain. By these we can call world peace. But sometime the world is not peace for Example a big storm, earth quake and climate is changing and nature disasters. As we know when the climate changing it became a big storm like Tsunami by these Tsunami many people was death. Because of this problem human and animals get difficulty and trouble some are homeless some are motherless and so many children parentless. So to making the world peace all the people in the world have duties to do it and protect our world and repair the world to be peace and beauty and to be stay for a long life.

Why religion is important to society?

Why religion is important to society?

          Religion is important to society because it helps to regulate behavior. Religion teaches people specific rules, laws and morals to follow and to practice. Religion can teach the people to the right way, because we are stay by group and by community, we can't stay only one by ourselves, that's why if we don't have or don't know religion how can we stay together? We cannot stay, that's why religion is important to society. Religion is also the one element of life that has connected the races and societies of the world for hundreds of years. It has given meaning to lives that may seem otherwise hopeless. Religion has provided for a universal language and culture among those who believe in a higher power. Religion also gives people something to believe in, which can make them happy and more comfortable. It provides believers with a meaning for life and helps them work towards being a productive, moral person. Religion also benefits for society by teaching people the art of self-sufficiency and ideas that being charitable is important.

          Religion promotes the major social virtues like truth, non-violence, service, love, discipline etc. A follower of the religions internalizes these virtues and becomes disciplined citizen of the society. Parsons viewed that religion is one of the most important agents of socialization and social control. It has significant role in organizing and directing social life. It helps in preserving social norms and strengthening social control. It socializes him individual and exercises control over both individual and group in various ways. As an informal means, religion regulates the activities of people in its own way. Religion has played a significant role in political system in the medical society. Even in modern times in many countries of the world.

          Without Religion we cannot live in the world, because we don't know which one is bad which one is better, if we have religion, religion can help us to make different which is better and which one is bad in our life. with religion people can respect each other, that is why religion is very important in our society.